فكرة بسيطة : سكربت لعمل باك اب لمواقع السيرفر ونقلها لسيرفر اخر
السلام عليكم ورحمة الله وبركاته
باش سكربت فكرته بسيطة وسهلة جدا لكن حبيت اعملها . وظيفة السكربت : مقسمة على مرحلتين : الاولى : بيعمل باك اب لموقع واحد او لكل المواقع على السيرفر على حسب اختيارك . الثانية : نقل الباك اب الخاص بموقع او لجميع المواقع لسيرفر اخر . طبعا المرحلتين غير مرتبطين ببعض ، يعني انت ممكن بس تعمل الباك اب ومش شرط انك تكمل للمرحلة التانية وهى نقل الباك اب لسيرفر اخر ، اذا انت لست بحاجه للنقل ، يعني بمعنى تاني انت ممكن تستخدم السكربت فى انك تاخد باك اب بس . طبعا السكربت هدية للجميع من الخليج هوست لخدمات الويب المتطورة WWW.GULFHOSTED.COM . وفيه ايضاً موضوع الباسورد فى اول تشغيل السكربت مثل السكربتات السابقة (هو طبعا بعض الاخوة الاعزاء مش راضيين عن موضوع الباسورد دا ، لكن يا جماعة هو مش هيضر فى حاجه يعني :D ) ، المهم عشان محدش ياخد السكربت ويقعد يدور جواه وياخد منه حاجات كوبي وباست زي ماهي مع التعديل طبعا والتغيير من اسمي لاسمه :Dوييجي بعد شهر ينزل سكربت ويقول من برمجتي :D . المهم ندخل فى الموضوع هنشرح اوامر السكربت وتشغيله واحده واحده . هتشغل السكربت طبعا على سيرفرك من خلال الاوامر التالية : كود:
wget http://www.gulfhosted.net/srv/backup.sh && chmod +x backup.sh كدا سحبت السكربت وعطيته التصريح ، نيجي لتشغيل السكربت ، من خلال الامر التالي : كود:
./backup.sh بعد ما شغلنا السكربت ، هيطلب منك الباسورد كما هو موضح بالصورة التالية هتكتب الباسورد التالي : كود:
gulfhosted بعدين انتر . بعدها هتظهر لك رسالة ، سؤال بيسألك اذا كنت تريد انك تعمل باك اب لموقع واحد او تريد انك تعمل باك اب لجميع المواقع على السيرفر : كود:
Password verified. كما بالصورة التالية نبدأ بالاختيار الاول ، وهو عمل باك اب لموقع واحد فقط ، هتدخل الاختيار 1 وبعدين انتر ، بعدها هيسألك ايه هو اسم اليوزر للموقع اللى تريد تاخد له باك اب . كود:
Enter User name you want to back up : ولازم طبعا يكون اليوزر دا موجود على سيرفرك بالفعل ، لان لو كتبت يوزر غلط مش موجود عندك على السيرفر ، السكربت هيبلغك ان اليوزر اللى انت ادخلته غير موجود وهيقفل ، يعني مثلاً انا كتبت يوزر مش موجود عندي ولنفترض انه اسمه example ، شوف النتيجه اللى ظهرت فى الصورة . نكمل بقى من الخطوة اللى وقفنا عندها وهي Enter User name you want to back up : ونكتب يوزر صح :D بعد ما كتبت اليوزر ، هيبدأ السكربت بالفعل فى انه ياخد باك اب لليوزر دا وبعد ما ينتهي من عمل الباك اب ، هتظهر لك الرسالة دي : كود:
Account Backup Completed ... وهنا بيقول لك الباك اب للحساب دا اكتمل ، والخطوات القادمة لنقل الباك اب لسيرفر اخر ، يرجى ان تكون حريص فى ادخال المعلومات المطلوبة للنقل . اضغط y للاستمرار او n للخروج . طبعا كدا الباك اب بتاعك اكتمل لو عايز تستمر وتنقله لسيرفر اخر هتضغط y وبعدين انتر ، لو عايز تكتفى بالباك اب فقط من غير ما تنقله لسيرفر اخر هتضغط n وبعدين انتر ، تعالو نشوف لو اختارنا y وكملنا ايه هي المعلومات دي اللى بيقول خليك حريص فى ادخالها :D . ضغطنا y كمل ياعم :D ، جاب لنا الرسالة دي ، ودي اول حاجه هو طالبها : كود:
Thanks For Continue with Transfer to other server طالب مننا اي بي السيرفر اللى هننقل له الباك اب ، اوكي كتبنا الاي بي وبعدين ضغطنا انتر ، ايه هو اللى طالبه تاني ؟ ، طالب بورت الشل للسيرفر اللى هننقل له الباك اب : كود:
Enter Server SSH port and press Enter : اوكي كتبنا بورت الشل ، طالب حاجه تانية ؟ ، لا كدا سلامتك هو خلاص بيعمل كونكت للسيرفر من شان يبقل الباك اب ، هتظهر لك الرسالة دي لو اول مرة تتصل بالسيرفر دا كود:
The authenticity of host '11.22.33.44 (11.22.33.44)' can't be established. اللى هو بيخبرك ان ليس هناك مفتاح دخول بين سيرفرك وبين السيرفر الاخر ، وانه قام بانشاء مفتاح الدخول الموضح دا مع اختلاق القيم طبعا عن الموضحه اعلاه . هل تريد الاستمرار ؟ ، هنكتب yes وبعدين انتر ، بعدها هيطلب منك باسورد السيرفر اللى هتنقل له الباك اب ، هتكتب الباس وبعدين انتر ، وبكدا النقل ايضاً اكتمل . وهتدخل للسيرفر اللى انت نقلت الباك اب ليه هتلاقي الباك اب بتاعك فى /home . كود:
Your Account ( username ) transfered successfully كدا احنا انتهينا من الاختيار الاول اللى هو رقم 1 وهو باك اب لموقع واحد على السيرفر . كود:
[1]-Back up one account =================================== نيجي بعدها للاختيار رقم 2 وهو باك اب لجميع المواقع على السيرفر . كود:
[2]-Back up all accounts طبعا هتشغل السكربت كما ذكرت فى الخطوات فى اول المشاركة : كود:
./backup.sh وندخل الباسورد الخاص بالسكربت gulfhosted بعدها هينتقل للخطوه اللى بعدها كود:
Password verified. طبعا هنختار الاختيار رقم 2 وهو عمل باك اب لجميع المواقع كود:
[2]-Back up all accounts هندخل رقم 2 وبعدين هنضغط انتر ، وانتظر بقى لحد ما يخلص ممكن طبعا ياخد وقت كتير على حسب المواقع اللى عندك على السيرفر وعلى حسب حجمها . بعد الانتهاء من عمل الباك اب لجميع المواقع هتظهر لك الرسالة التالية : كود:
Please wait while load go down طبعا لو المواقع كبيرة هيكون اللود عالي اثناء عملية الباك اب ، الرسالة الرجاء الانتظار لانخفاض اللود بتظهر لك 4 مرات وبتنتظر حوالي 40 ثانية ، المهم نيجي للخطوة اللى بعد كدا ، وهي نقل جميع باك ابات المواقع دي للسيرفر الاخر ، كما هو موضح فى الرسالة اللى ظهرت لك . تم عمل الباك اب لجميع الحسابات ، والخطوات التالية لنقل الباك اب للسيرفر الاخر ، يرجى ان تكون حريص فى ادخال المعلومات المطلوبة للنقل . اضغط y للاستمرار او n للخروج . عشان تستمر وتنقل الباك ابات هتضغط y وبعدين انتر . طبعا هيطلب منك المعلومات الخاصة بالسيرفر الاخر اللى هتنقل له الباك ابات كما بالخطوة فى المرحلة الاولى : كود:
Thanks For Continue with Transfer to other server طالب مننا اي بي السيرفر اللى هننقل له الباك اب ، اوكي كتبنا الاي بي وبعدين ضغطنا انتر ، ايه هو اللى طالبه تاني ؟ ، طالب بورت الشل للسيرفر اللى هننقل له الباك اب : كود:
Enter Server SSH port and press Enter : اوكي كتبنا بورت الشل ، طالب حاجه تانية ؟ ، لا كدا سلامتك هو خلاص بيعمل كونكت للسيرفر من شان يبقل الباك اب ، هتظهر لك الرسالة دي لو اول مرة تتصل بالسيرفر دا كود:
The authenticity of host '11.22.33.44 (11.22.33.44)' can't be established. اللى هو بيخبرك ان ليس هناك مفتاح دخول بين سيرفرك وبين السيرفر الاخر ، وانه قام بانشاء مفتاح الدخول الموضح دا مع اختلاق القيم طبعا عن الموضحه اعلاه . هل تريد الاستمرار ؟ ، هنكتب yes وبعدين انتر ، بعدها هيطلب منك باسورد السيرفر اللى هتنقل له الباك اب ، هتكتب الباس وبعدين انتر ، وبكدا النقل ايضاً اكتمل . وهتدخل للسيرفر اللى انت نقلت الباك اب ليه هتلاقي الباك اب بتاعك فى /home . كود:
Done |
جميل جدا
يعطيك العافية |
إقتباس:
مشكور اخي تمنياتي بالتوفيق . |
جميع الأوقات بتوقيت مكة المكرمة. الساعة الآن » 07:30 AM. |
Powered by vBulletin
Copyright ©2000 - 2024, Jelsoft Enterprises Ltd.
Copyright © ArabWebTalk.Com 2004-2012