|
If this problem persists for extended periods of time, contact your network support team. Please, first make sure that the target is really reachable and not, for example, out of service due to maintenance.
هذي رسالة الخطاء الي تظهر عندك في الجزء الثاني نترجم الكلام لك مثل ماهو ظاهر في الرساله وان كنت ترجمت خطأ يعدلوه لك الاخوان --------- الكلام الي بالاحمر اذا المشكله مستمره لوقت طويل نرجو مراجعة مسؤلي الاتصال الخاص بكم --------- الكلام الي بالاخضر نرجو التأكد اولا ان الهدف يمكن الوصوله وقابل للتصفح وليس على سبيل المثال خارج عن الخدمه للصيانه -------------- هذي الرساله واضحه قدامك انهم يطلبون انكم تراجعونهم ولم يطلبو مراجعة الهوست او مسؤل السيرفر لو عندنا حل لها كان سويناه بس لا حول لا ولا قوه ان كان الامر يخص الاتصالات السعوديه ومدينة الملك عبدالعزيز |
صحيح أخوي ياسر، بس العملاء ما يعرفون إلا طرفين يتهمونهم، المستضيف أو الداتا سنتر، ما يتهمون المزود إلا نادراً..
حاول تراسل المدينه بنفسك، أو إرسل لي الآي بيات اللي تواجه معاها المشاكل، وأنا بكلمهم لك. |
اخوى ياسر انا مااشكك فى خدماتكم فالكل يشهد بها وانا يوم استضفت على مربع من السمعة الطيبة
لكن مثل ماقال اخوى Wael_R اننا مانعرف هذه الاشياء فنرجو منكم مراسلة مدينة الملك عبد العزيز او ارسل الاى بيات لاخونا Wael_R وهو يراسلهم وتنتهى المشكلة واشكركم على الاهتمام اختكم جوهرة الخبر |
عزيزتي جوهرة الخبر مانبخل عليكم ولو بلحظه واحده في تقديم افضل الخدمات
المشكله بدت مع وفاة الملك فهد يرحمه الله واحتمال كبير ان احد خطوط مزودي الخدمه فيه خلل فني وبعد وفاة الملك معظم الشركات والمؤسسات اخدو اجازه ويعاودون العمل بشكل طبيعي ان شاء الله صباح اليوم وراح يتذاركون الامر نقوم بشكل دائم مراسلة مدينة الملك عبدالعزيز ولاكن لا حياة لمن تنادي مايعبرون احد ولما تتصل محد يرد عليك كانهم مهم مداومين مسؤلين مربع في الصباح الباكر يحاولون الاتصال من جديد على المدينه لعل وعسى نلقى تجاوب افضل منهم |
ترا إذا بدأت المشكلة مع وفاه الملك فهد رحمه الله، إحتمال تكون بسبب الكابل البحري الإماراتي اللي إنقطع و خرب لنا الإتصال، وذبحنا كم يوم..
|
المشكله بدت مع وفاة الملك فهد يرحمه الله واحتمال كبير ان احد خطوط مزودي الخدمه فيه خلل فني وبعد وفاة الملك معظم الشركات والمؤسسات اخدو اجازه ويعاودون العمل بشكل طبيعي ان شاء الله صباح اليوم وراح يتذاركون الامر
نقوم بشكل دائم مراسلة مدينة الملك عبدالعزيز ولاكن لا حياة لمن تنادي مايعبرون احد ولما تتصل محد يرد عليك كانهم مهم مداومين مسؤلين مربع في الصباح الباكر يحاولون الاتصال من جديد على المدينه لعل وعسى نلقى تجاوب افضل منهم واليوم الثانى بعد الدوام نتمنى ان يكون مربع استوضح من مدينة عبد العزيز عن المشكلة وارسل لهم؟ مازالت المشكلة كما هى؟ نسال الله العفو والعافية شاكرة لكم اهتمامكم اختكم جوهرة الخبر |
اخوى Wael_R ممكن تكتب لنا العنوان اللى ارسلت له الاى يبهات
او اى عنوان ممكن نخاطبة لحل هذه المشكلة وشكرا اختكم جوهرة الخبر |
والله إخني أنا بدون تلفون ولا إنتظار، خلال 3 ساعات جاني الرد، وتواصلنا معاهم يومين إلى 3 أيام حتى إنحلت المشكلة..
عنوان الموقع: www.isu.net.sa البريد: helpdesk@isu.net.sa جربوا راسلوهم والمفروض يردون خلال ساعات.. |
السلام عليكم ..
يا اخوان انا اخذت استضافه من مربع .. وفوجئت بان الموقع لا يعمل عند اغلب مزودي الخدمه بالسعوديه !! كلمت شركة اول نت وقلتلهم وما لقيت حل .. راسلت مربع ويقولونلي المشكله مو منا من المدينه وحاول تتصل على مقدم الخدمه هو يحلها !! قلتله هل معقول اتصل على اول نت وسعودي نت وجيل وغيرها وغيرها عشان اشغل موقعي !! المفروض منهم يعطوني موقعي على سيرفر يعمل في جميع الدول !! واخرتها الرجال قالي ما اقدر اساعدك!! هل معقول الكلام هذا .. يا مربع !! يا مربع الحل الوحيد تعطوني فلوسي وبس وريحوني وخوذو مساحتكم اللي ما استفدت منها اي شيء !! ابي فلوسي ولا تحلون لي المشكله وبس بس بس .. مليت يا الدعم الفني وش ما تقدرون تحلونها !! طيب ياخي الواجب عليكم تحلون مشكلتكم مع المدينه مو تعطونا سيرفرات لا تعمل بالسعوديه !! مربع للاسف يا مربع ما توقعتها !! هذا موقعي : www.77o77.com ما صارلي ثلاث ايام مشترك .. ارجو ارجاع المبلغ وشكرا .. ورقم الحساب في البطاقه اللي حاطها عندكم ..!! ياليت تتفهمون الوضع .. وترا مو معقول اتصل على كل الشركات واقولهم موقعي ما يشتغل فيه مشكله !! هذه مو مشكلتي !! مشكلتكم انتم ! |
آستغفر الله
والله محد ماكلها الا حنا اصلاً اللي يفتح موقع ماعنده سالفه لوول وربي شي يقهر بررب لاطق واموت |
بالفعل الامر غريب جدا
عندي يعمل على اول نت ويوم تسوي اي تغيير لا يعمل تحديث واقوم افصل واشبك على نسمه مثلا :( يحدث لكن بعد فترة من الزمن يعطيك مشكلة TCp ونغير وهكذا المشكلة ان الاعضاء وضيوف الموقع مجننيني تصدقون صرت بعض المرات احط لهم روابط النقاش هنا حتى يقتنعون لكن ما نقول الا الله يعين مع ايزي نت او ايزي تعقيد |
سلام عليكم ..
الصراحه انا استغرب من مستخدمين DSL عندنا في السعودية , تلاقية بعد ما يشترك ياخذ بروكسي واحد وخلاص انا إشتراكي من شبكة نت . وعندي الي اللحين 10 بروكسيات ماخذها منهم اذا طلعت لي مشكلة في اي موقع على طول اغير لبروكسي ثاني ويشتغل زي الحلاوة .. وخاصة الشركات الاجنبية مثل (eNom) .. بنسبة لمشكلة الاخوان في مربع . هذي من مزود خدمة الإنترنت ومدينة الملك عبدالعزيز . وليس من مربع . الاحظ بعض الاخوان هنا يصر سبحان الله ان المشكلة من مربع . مع ان الكل هنا وضحو وبـ الأدلة ان المشكلة من مدينة الملك عبدالعزيز . ولاكن !! الله يعين الاخوان تحياتي Ahmad AlDayel |
السلام عليكم
و أسعد الله اوقاتكم بكل خير فعلاً هذه المشكله بهذلتنا .. كأصحاب مواقع .. ولكن مابيدنا شي نعمله سواء كانت المشكله من الإتصالات او من مدينة الملك عبدالعزيز او من المستضيف اذا كانت من الإتصالات او من مدينة الملك عبدالعزيز . . المفروض أنه شركة الإستضافة هي اللي تراسلهم وتتفاهم معاهم .. لأنه مو معقول أني بأمر على شركات الإتصالات كلها و أكلمهم واحد ورى الثاني لكن لو شركة الإستضافة راسلتهم .. هذا الشي من صالحهم اولاً و أخيراً اول شي تكسب ثقة عملائها وثاني شي بدل مايتصل كل العملاء .. يكفي اتصال جهه وحده وهي شركة الإستضافه .. لحل مشكلة المئات من العملاء و اذا كانت المشكلة من سيرفرات شركة الإستضافه .. فالمفروض سرعة حل المشكله .. وتعويض أصحاب المواقع لو طالت المسألة لأن هذا الشي .. هم اللي وعدوا فيه عملائهم قبل ما يستضيفوا عندهم لكن اللي حاصل انها كلها وعود وكلام في الهوى يعني وبكل وضوح و أختصار .. الموضوع عندكم يا شركات الإستضافه .. سواء كانت المشكله منكم او من غيركم نحن كأصحاب مواقع .. نريد ان تكون مواقعنا مفتوحة و شغالة وخالية من اي خلل يذكر وليس لنا علاقة بأي أمور أخرى .. بأن نتصل او نسأل او نحل المشكله بأنفسنا هذه تعتبر مهمتكم و عملكم وليست مهمتنا نحن تحياتي للجميع |
السلام عليكم
هذه المشكله من اعدادات الدي ان اس الخاطئه وليس لها دخل بمزود الخدمه , ولكن حدثت كذا مره ان يقوم مزود خدمة بحجب ايبيات من ضمنها ايبيات السيرفر , بالتالي يجب مراسلة مسؤول الشبكة بالبيانات كاملة وشرح مختصر للمشكله وتأكد بان المشكله اذا كانت من طرفهم فسيتم حلها باسرع وقت ممكن . وكاضافه , www.dnsreport.com , قم بوضع اسم الموقع هنا وسوف تظهر لك الاخطاء اذا كانت موجوده , اذا لا يوجد اخطاء مطلقا راسل مزود الخدمة بايبيات السيرفر + traceroute , ايضا افحص السيرفر ربما يكون الايبي الخاص بالزائر محظور من السيرفر . هناك أسباب عديده ولكن 99% منها ليس لمزود الخدمه اي علاقه بها . * اذا ممكن اي شخص يضع اسم موقعه نفحصه له . تحياتنا |
للحين ماندرى من المسئول مواقعنا خسرت نصف اعضائها
http://www.3beeer.com/vb/ هذا رابط الموقع لو ممكن تفحصه جزاك الله الف خير اختكم جوهرة الخبر |
إقتباس:
بالنسبه لك عزيزي , اعدادات الدي ان اس سليمه ولكن يوجد بعض المشاكل مع البريد ,انظر الرابط بالاعلى . المشكله الان مع مزود الخدمه قام بحظر ايبيات السيرفر , او السيرفر الذي قام بحظر الايبي الخاص بمزود الخدمه (البروكسي مثلا ) , اطلب من الاستضافه فحص الفايروول وتفريغ الايبيات المحظورة وقم بالمحاولة مره اخرى واذا استمرت المشكله قم بعمل traceroute من جهازك الى الموقع ومدير السيرفر يقوم بعمل من السيرفر الى بروكسي مزود الخدمه الذي يواجه المشكله معه , ويتم ارسالها الى كل من مزود الخدمه + الداتا سنتر ومن خلال الtraceroute سيتم معرفة اين الخلل ومن اي جهة تحديدا . تمنياتي بحل مشكلتكم باسرع وقت تحياتي |
اشكرك اخوى الكريم SecurityWay
http://dnsreport.com/tools/dnsrepor...main=3beeer. com اخوى هذا الرابط مايفتح واتمنى من مربع ان يشاهد مشاركتك ا اختكم جوهرة الخبر |
|
الأخ العزيز / SecurityWay
أشكرك جزيل الشكر على حرصك وتعاونك و إهتمامك وهذا يدل على طيب أصلك و أصالة معدنك و أخلاقك العالية أخي الغالي .. أنا حولت إستضافتي لديكم بالرغم أنه إستضافتي لم تنتهي مع الشركة الحالية لأني تبهذلت معاهم .. وتقريباً مشكلتي نفس مشـكلة الأخت / جوهرة الموقع أحياناً يفتح و أحياناً ما يفتح ويعمل بإتصال ومغلق بإتصال آخر و أيضاً لمست من خلال كلامك بأنك فاهم في هذه الأمور وقبل كل شي اللي شجعني أكثر إني وجدت فيك الحرص والإهتمام بمشاكل الإخوان وحبك للخير بتقديم المساعدة لهم وهذا أكبر دليل بأنك ستبذل جهد مضاعف وسوف تكون حريص اكثر لمن هم مستضيفين لديك ويهمك أمرهم اكثر , ولن تتأخر عنهم في مساعدتهم لأي مشكلة قد تواجههم نحن كأصحاب مواقع .. يهمنا حرص الشركة المستضيفة وتعاونها و إهتمامها و دعمها المتواصل والمستمر لنا لأننا خسرنا وتعبنا وتبهذلنا و إحنا كل مرًة شايلين عفشنا و أغراضنا من مكان الى مكان لكي نبحث عن الراحة والأمن والإستقرار وبإذن الله أنا متأمل فيكم خير .. بأن أجد راحتي عندكم إن شاءالله عزيزي .. SecurityWay هذا هو عنوان موقعي .. www.3rbViP.com/vb خذ الجمل بما حمل :) و إفحص الموقع على راحتك http://www.dnsreport.com/tools/dnsre...www.3rbvip.com و أتمنى منك سرعة نقل موقعي لديكم .. مع العلم إني أتممت إجراءات الإستضافة عن طريق بطاقة الفيزا .. ولا أعلم اذا كان يوجد إجراءات أخرى يجب عليُ فعلها ام ان مهمتي انتهت وباقي دوركم بإتمام عملية نقل موقعي عندكم وهذا عنوان الايميل .. Lover_Rex@hotmail.com اتمنى منك إضافتي لكي اقابلك على الماسنجر مع تمنياتي لك وللجميع بدوام التوفيق والنجاح بإذن الله |
اخي الكريم Lover_Rex ,
نتشرف باختيارك لسيكيوريتي واي وان شاء الله نكون عند حسن الظن :) . بعد الدفع يتم ارسال بيانات الحساب الى العميل , اذا ترغب ان نقوم بنقل الموقع الينا قم بارسال بيانات لوحة التحكم على الاستضافه السابقه الينا sales@securityway.net او اذا كنت استلمت حساب الدعم الفني بالبطاقات افتح بطاقه بقسم الاستضافه واطلب من الدعم الفني نقل الموقع لك وان شاء الله ما نقصر معك او مع اي عميل لدينا . واضفتك على الماسنجر . تحياتي |
| جميع الأوقات بتوقيت مكة المكرمة. الساعة الآن » 02:50 AM. |
Powered by vBulletin
Copyright ©2000 - 2024, Jelsoft Enterprises Ltd.
Copyright © ArabWebTalk.Com 2004-2012