Infinity V2.0.0 : باقي على الحلو تكة
 

سلام عليكم .... صبحكم الله بالادب والذوق وانفنتي الاصدار الجديد :)

في الموضوع :

http://www.arabwebtalk.com/showthrea...74690& page=1

ذكرت باننا نتوقع صدور التحديثات خلال 7 أيام ان مشت الامور على مايرام ... حقيقه ان الامور مشت كما هو متوقع الا في تجربة انفنتي .. واجهتنا بعض المشاكل التي تحتاج الى حل قبل اصدارها للعموم ، وان شاء الله خلال ايام قليلة جدا راح نصدر الاصدار الجديد .

انا وكل موظفي أبعاد نقدر نصبركم وانتظاركم وحقيقه انه يحملنا مسؤولية كبيره سواء الرسائل التي تصل هاتفيا او في التذاكر او بشكل خاص ... ارجو منكم الصبر فقط ايام قليلة فقط لكي تكون انفنتي افضل وتكون خالية من اي مشاكل ان شاء الله ...

--- انتهى ---

لي رد تحت :)

سوالف ليل !
 

بعد الكلام الرسمي الي فوق ، بصراحه ودي اسولف :

طيب وش صار في التحديثات اخلص ؟!! طيب لاتدفون :) ... اقول سبق ، شف هذاك يطالعني بنص عين ، قول له لايطالع تكفى علشان اعرف اتكلم :P

المشاكل ولله الحمد بسيطه وماتحتاج وقت طويل ( اشوى :) ) ..... وهي باختصار اننا قمنا باضافة بعض المزايا ( ليتنا سويناها في الاصدار الجاي :) ) :

1) الارسال المتعدد بمعنى طريقة الارسال في انفنتي ، اصبحت تقدر ترسل عن طريق ال دالة ال mail وعن طريق ال SMTP وبرضوه اضفنا ميزتين :
الاولية : انك تقدر تحط اكثر من سيرفر ، لو وقف سيرفر يرسل من الثاني .
الثانية ، بما انه SMTP تقدر بدل ماترسل من ايميل السيرفر ويسبب لك مشكلة صاحب السيرفر ، ترسل عن طريق ال gmail بدون ماتضغط السيرفر .
طبعا مثل ماتعرفون ، عملية البرمجة في انفنتي تكون على اجهزة وندوز ولما نقلناها في تجربة حقيقه على سيرفرات استضافه لينكس حصل شوية مشاكل في البريد وجاري حلها ، وايضا تم حل مشكلة الارسال سابقا مع ال suhosin فالان باذن الله لن توجد مشكلة ( توها هذي جايه جديده ) .

2) عملية الترقية ، الى الان سوينا اربع او خمس طرق ، وكل شوي نحذف وحده ونجيب وحده ... نبي اسهل طريقة لكم ، ونبي نلغي كل المشاكل الي تمت في وقت سابق مع اكثر من شركة استضافه مثل :
serverName
عملية ال www في دخول اللوحة .
طريقة الترخيص ...
طريقة الترقية بشكل الي وسهل للجميع ( بدون مشاكل في التراخيص او غيره ) .

الطريقة هذي حلينا فيها مشاكل كثير من التركيب الاول مع اكثر من شركة استضافه .. والحين ان شاء الله ماعاد يكون فيه اي مشكلة .

الموضوع ماراح يطول ، خلال 48 - 72 ساعة نركب انفنتي الجديد على موقع انفنتي :
http://infinity.dciwww.com
راح تكون اخر تجربة فعلية لانفنتي قبل اصدارها للعموم .... يعني بالكثير على نهاية الاسبوع ( والله اخر كلام لو نزفها لكم بدون مكياج ولاحنا ، زافينها زافينها نهاية الاسبوع ) ...

طبعا في الترقية الجديدة راح نزود العملاء بنسخ من انفنتي بدل الطريقة القديمه ... وجالسين نسوية الية التحميل من موقعنا ....

3) قمنا بالتحدث مع اكثر من شركة استضافه ، وقما بتعديل اكثر من دالة ( fopen as example ) وتنفيذ اكثر من طلب وملاحظة وصلتنا من زملاء في شركات استضافه ثانية لكي تعمل انفنتي للجميع ... لكي نجعل متطلبات انفنتي اقل مايمكن ... علشان تكونوا كلكم مبسوطين ..


4) خالد مازال حتى الان يعمل على ستايل جديد وكل يوم وحنا مسببين له مصدر ازعاج يومي :
انا : ماخلصنا ؟
هو : نعم ؟
انا : ياخوي اخلص العالم كلونا ...
هو : طيب ..

الساعة الي بعدها :
انا : ايش صار ؟
هو : منهمك .
انا : طيب .

بعد ثلاث ساعات :
انا : بشر ؟
هو : اقول طير.
انا : طيب .

بعد خمس ساعات <--- شف الرسمية ، انت بس دقق :
م.محمد عبدالله : بشر يابو علي خلصت الاستايل ؟
خالد : باقي شوي وان شاء الله يخلص .
م.محمد عبدالله : طيب .

بعد يوم :
انا : ياخوي بتخلص انت ؟
خالد : انت وش تبي ؟
انا : ابي الاستايل .
خالد : رح سنع سيرفراتك الحين بدل المطامر فيني كل شوي .
انا : اوكي .

اليوم :
انا : بشر ؟
خالد : انت تفكر الشغله سهله ؟ .
انا : يارجال كلها كم صوره بس اخلص .
خالد : لا ، المره ذي استخدمت تقنيات الوب 2 في انفنتي وسويت فيها كلام كثير بتساعد على تسريع التصفح ان شاء الله وفتح الصفحات بسرعة .
انا : اوووكي ، طيب .
خالد : تراني اشتغل 17 ساعة .
انا : طيب .

الان : باقي يشتغل على التضبيطات الاخيره ، اسم الاستايل VISTA ، الصوره :

http://www.dciwww.com/infvista.jpg


5) م.محمد عبدالله :
هذا مشكلة بحد ذاته ، تراني من جد اعلمكم من الحين ... كل يوم يطلع بعلم ، يابو نواف خلصنا ؟ لا باقي شفه ذاك كاتب كذا في الويب يبي كذا باضيفها له ، طيب ، ضيفها .. وراح له ساعتين وقال خلاص خلصنا ، وشوي الا راجع ، تدري باضيف كذا .. يابو الشباب : يرحم والديك ترى قد قلنا لهم التحديثات وش فيها ... خلاص وش تبي انت ؟ خليها في الاصدار الي بعده ... هو : لا لا لا لا ، بنزلها في هذا يارجال كلها شويتين وانا مخلص ... اليوم يقول لي يارجال باسوي لهم *** ( <== كلمة من ثلاث حروف هي مفاجئة التحديث ) !!
انا : بعد ماحطيت يدي على راسي ، انت تعرف ان اليوم الاثنين ؟ هو : اووووه نسيت ياشيخ تصدق مانمت !!!!!!!

قبل اجيكم اكتب الموضوع ، قال لي ابو نواف وش تسوي ، قلت له بطلع لهم في المؤتمر الصحفي واقول وكالة ناسا مو احسن مننا تأجل اطلاق المكوك وحنا بناجل شوي .....

باختصار :
الي يختبر يختبر ، والي يصمم يصمم ، والي يبرمج يبرمج ، والي يتفرج يتفرج والي صابر صابر :) ..... انتو على الاقل محظوظين ، ياشيخ على الاقل فيه ناس تسمع وتسوي لكم تحديثات ، انا اطالب لي شهر ونص بتحديث بسيط مابياخذ من وقت م.محمد دقيقتين شغل ومجمدني .

اليوم راح يرجع لكم محمد نور ان شاء الله وبيستلم الموضوع هذا ، الي فيه حره يحطها فيه ، تراه يستاهل .. راح وخلاني لحالي :)
نلتقي ان شاء الله في زفة انفنتي ! وانا من الحين ماسك الطار في يدي وابو نور بالشربات !

محبكم !

الشابين اللطيفين الي ردوا قبل اخلص ، حذفت الردود مسامحه ، ماشاء الله عليكم في دقيقه ردين !
الوعد يوم الزفه !

بارك الله فيكم
بس عندي سؤل
هل راح يكون للكمبو تحديث مثل انفنتي
؟؟؟
لاني افكر اشتري الاثنين الكمبو والانفتني

هذا يدل على متابعتنا
كنت أقول
ماراح أقول إلا مثل نوال الكويتية تقول
يامصبر الموعود أصدق بوعدك يوم


بإنتظار على أحر من الجمر
وكنت أتمنى أعرف وش هي الثلاث الحروف حقت محمد عبدالله :]

ههههههههههههههههههههههههه

هذا فلم اكشن يا اخ على حمد

الله يعينكم على الضغوط

والله ان انفنتي عاجبتني بدون تحديث لكن اللي كان نقصها بالاول هو التعليقات لانها تخلي صاحب الموقع يحس بتفاعل العالم مو خمول هههههه

الله يعطيكم العافيه ويوفقكم

وحنا معكم مو ضدكم والتأخير هذا بالاخير في صالحنا وصالح سمعتة شركه كبيره مثل ابعاد ماتحب تنزل منتج الا وهو ميه ميه

بالتوفيق لكم

:)

السلام عليكم

ما شاء الله شغل كبير يا اخوان
وبما اني اصمم واتعب مقدر التعب الي تتعبوه

حولت فلوس عشان اشتري انفنتي ولكن على ما يبدو اني راح انتظر
النسخة الجديدة افضل
حولت المبلغ ولكني ما حولت الا لاني ابي النسخة الجديدة :(

وانا في الانتظار ...

شكراً لكم ، الوضوح طريقة رائعة تبعث الاطمئنان في التعامل وتحملكم الثقة أكثر

سننتظر حتى صدور التحديثات ، ونريد أن تكون آلية التركيب مبينة قبل طرح التحديث ...

وكما قلت لن يفقدكم تأخيركم المصداقية ، ودمتم بود

كان الله في عونكم

والاستايل هذا

http://www.dciwww.com/infvista.jpg

بيكسر الدنيا

عموماً موفقين وننتظر التحديثات واتوقع انها تستاهل الانتظار

ربي يعطيكم العافية علي جهودكم

ودامكم تعطونا الاخبار اول باول فماعلينا خلاف
لان الصمت يحرق الاعصاب :)

بالانتظار

ياشباب خوذو راحتمك بالتحديثات والتجربه شهر لكم ماعندنا مشكله بس اهم شئ يطلع بدون عيوب والكامل وجة الله سبحانة


الاخوة اعضاء انفنتي لاتستعجلون على الربع ترى كل ماتريثو شوي كل ماطلع التحديث ممتاز ان شاء الله


وبعدين الله يوفقكم مانبي نغير الاستايل السابق نبي التحديثات على نفس الاستايل السابق تكفون شوفو حل

عندي سؤال واحد فقط ..

صورة مين اللي في كلمة الموقع في استايل الفيستا ؟ :):)

وبالنسبة للتحديثات .. فحياها الله

قمت على مدار الأسبوعين الماضيين باستحداث تصميم جديد وتقسيمات جديدة .. وأتمنى ما أواجه أي مشكلة في تركيبها ..

في انتظاركم

وشكرا للغالي علي حمد .. ومحمد نور

أما محمد عبدالله وخالد العميري فمالهم شيء من الشكر والثناء على التمغيطااات والتسحيباااااات ..

ومع ذلك شكرا :)

أهم من التحديثات ترسلون لنا نسخة جديده من Infinity V2.0.0 نثبتها من جديد <-------- لاعب في ملفات انفنتي:p

شاكرين ومقدرين الظروف التي واجهتكم

سننتظر إنفنتي بثوبها الجديد نهاية الإسبوع

وفقكم الباري

خويلد خلص الكوشه عشان الزفه
في انتظاركم الله يبارك فيكم

وفقكم الله ... وشاكرين لكم كل هذا الاهتمام والذي يدل على احترام العميل وتحسيسة بالاهمية وهذا غير مستغرب على هذه الشركة العربية الرائدة التي نفخر بها .....

وكما قال اخي " اخبارية الجوف " ..... ............... . وبرغم الانتظار .... وبرغم القلق ... نقول لكم ... نحن معكم ولن نخذلكم بإذن الله ... واتمنى من جميع الاخوان " الزملاء " :) عملاء ابعاد ... عدم الضغط على الاخوان اكثر من الازم واعطائهم قليل من الراحة النفسية لينعكس ذلك على مواقعنا لكي لانقوم بتركيب منتج به خلل .
مع أطيب تحية لانفنتي قروووووووووووووب :)

لقد ذهب الكثير ولم يبقى إلا القليل - ان شاء الله -

شكرا لاطلاعنا على صور (الاستايل) الجديد

وننتظر آخر الاسبوع بترقب ولهفة ،،،،،،،،،، اعانكم الله

بالتوفيق ان شاء الله وننتظر التحديث

ههههههههههههههههههههههههه هههههههههه بحتري العروس بمكياج والا بدون مكياج عروسنا ولازم ننتظرها ..


ومن جد تستاهلون كل التوفيق والله يعينكم تتعبون لكن ان شاءالله لكم الآجر وتكون النسخه الجديده مصدر توفق كبير لشركة ابعاد المعلومات الي اشهر من نار على علم :)

وفكرة فيستا رهيبه وخالد طبقها بشكل خيالي وابداعي ماشاءالله عليه عيني عليه بارده :) ، ولاهنت ياعلي انت والعيال بانتظاركم ..

بروح اضبط بيت العروس انتظرها :D

استاذنا القدير علي ،،

وليش مستعجلين ،،

خلوها شهر قدام ،،

>> مسوي صدره وسيع هههههههههههه

بصراحة عمل جبار تشكرون عليه ،،

تحياتي لكم
المعروف

ههههههه عجبتني ... انا فيني حره بطلعها



يااااااامحمد نوووور
شووووف انا يوم الخميس مسافر العمره لمدة سبوع

يعني شوف يابطل
انا ابي التحديث اليوم ولا بتصير مجزره موطبيعيه>>>> :D :D





مسكين انا مابلحق على زفت انفنتي ... الخميس رايح العمره ومابرد الا بعد سبوع

بتخلوني افكر في انفنتي بدل ماافكر في العباده:o





:cool: :cool: :cool: :cool:

وهم كل المواعيد وهم

عموما خوذوا راحتكم عالاخر اهم شئ تطلع العروس حلوه شمحوطه طويله وبيضاء وخصره ميال

ومنور يا محمد نور <<< غصب علي احب هالانسان واحترمه

واشكر الاخوان في ابعاد علي هذا التحديث الجبار في المجلة

ننتظركم لو بعد يومين << افهموها

ماشاء الله ..

طيب انا جديد على انفنتي .. وطلبت شراء ترخيص + تركيب

هل يشمل ذلك تركيبكم للتحديث ؟

وشكرا

خوذوا راحتكم .. وشوي شوي على ابو خلود :>

ههههههههه


بارك الله فيكم جميع ..
دام جميع طاقم ابعاد في حالة استنفار ..

فما راح يضر لو ننتظر الى نهاية الاسبوع ..
او حتى زود عنه ..

اقل شيء ننتهي من امتحاناتنا .. :)

صبحك الله بالخير والسرور ... اخي علي ...

الله يكون بعونكم ان شاء الله ...

صراحة ضحكت من خاطري ... لما قلت الحين ودي اسوولف ...

ننتظر الحلو بفارغ الصبر ..... وشكلي ايضا بخبص شوي في الستايل الجديد

جزاكم الله كل خير عزيزي وجميع العاملين ...

تحياتي

يعطيكم العافيه يا علي ..


بالانتظار ..

انا عندي استفسار بسيط ومهم في نفس الوقت

كما ذكرتم ان الاصدار الجديد يحتاج لتغيير كلي بما فيها الاستايل طيب انا مثلا طلبت تصميم خاص من ابعاد كيف يكون الحل ؟ هل سيتم تصميم ستايل خاص جديد ؟

ننظر التحديثات والاجابه :)

اطيب تحية

ما شاء الله

شخصياً انا ما ايد السرعه والاضطراب الي حاصل عندكم

تأخر كم يوم لمصلحت الجميع افضل ان نضع الاصدار وبه اخطاء بسبب الاستعجال

اتمنى عدم الاستعجال كي يتم اظهار النسخه بدون اي اخطاء وكما ارجو تجربتها اكثر قبل الابلاغ عن الانتهاء

كما اتمنى من جميع مستخدمي انفنتي ان لا يستعجلون في الاصدار وان يقدم المساعده لهم بدل ما نعاتبهم على التأخير وذلك لمصلحة مواقعكم وانا واحد من الي يستخدمون الانفنتي ومتشوق للنسخه ولكن متخوف من هذا الاصدار وذلك لاني قرات كثير من الردود الذين يعاتبون الاخوان في ابعاد على تأخرهم في اصدار النسخه وحثهم الشديد على سرعة في توفير النسخه الجديده وهذاالاسلوب ياخوان مو من صالحكم ولا من صالحي لان الاستعجال معناه الاخطاء

واعتذر على ردي اذا انه عكر مزاج احد الاخوان

اخوكم سطام

اسلوب الموضوع طريقة رائعة .. لإمتصاص ردة فعل العملاء

وأنا منهم

ننتظر . الـ 72 ساعة

عمي أتصدك بلاها التحديث، يكفي أسلوبك ألتشوقي في الكتابة حقا أعُجبت بكتابتك التكتيكية وصدق نواياك


بارككم الله

منتظرين بفارغ الصبر عروستنا الجديده
واكيد حنا واثقين بالشباب بيطلعوها عروس جدا حلوه

مافيه احد رد على موضوعي ؟؟

ليس في الانتظار شىء إذا ما خرج العمل كما عودتنا أبعاد دائماً ( إبداع -تميز - مصداقية )
وليستعد فريق الدعم الفني بإبعاد لتلقي إستفسارات العملاء بعد التحديث التى أتوقع أنها ستكون كثيرة جداً
همسة في اذن أستاذنا محمد نور ( الله يكون في عونك بعد التحديثات )

ما شاء الله عليكم اخوي علي

مستعجلين على التحديثات

اصبروا شوي لين تزهبون غرفتنا عندكم



الله يعين على غثى مستضيفنا السابق


عموما بارك الله فيكم وكلل جهودكم بالنجاح

اتمنى دمج الكومبو مع انفنتي او المنتديات خاصة