مهم جدا لكل الى بيعمل فى الاشهار والتنشيط __ الرجاء الدخول للاهميه
 

بسم الله الرحمن الرحيم


فى الاول انا بخاطب فيكم العقول الى بتفهم لان فى ناس مش بتفهم للاسف


دلوقتى انا شايف مجموعه كبيره جدا بتشتغل فى التنشيط وده شىء كويس مش وحش حتى لو الطلب بقى اقل من العروض بس هو شىء تجاريا كويس

بس لازم طالما ان المعروض اصبح كتير يبقى لازم يكون فيه تحديد واتفاق على الاسعار بمعنى ان احنا دلوقتى فى الويب العربى كاننا فى سوق كبير

وكل واحد عارض سلعه والعميل ياخد من التاجر الى يعجبه


طيب لما يكون واحد عارض الف موضوع + الف مشاركه ب 60 ريال

وواحد تانى عارض الف موضوع + الف مشاركه ب 150 ريال

وواحد تالت عارض الف موضوع + الف مشاركه ب 200 ريال


العميل هيختار مين بالعقل كده هيختار الى سعره اقل ليه لان كله بيعمل كوبى وباست مفيش حد بيعمل شىء جديد او ابتكارى

بالتالى الى كان عارض نفس السلعه ب 150 ريال هيعرضها المره الى جايه ب 50 ريال علشان العميل ييجى يشترى منه

والتالت الى كان عارض ب 200 ريال هيعرضها ب 40 ريال علشان العميل ييجى يشترى منه

وهكذا لحد لما ييجى يوم صاحب المنتدى يقول انا عايز شغل فى موقعى وتدفعوله عليه فلوس



والادهى والامر والاصعب والى تاعبنى نفسيا انه فى ناس بتعرض شغلها وتقولك السعر على حسب الاتفاق

ييجى العميل يتفق على الف موضوع والف مشاركه مثلا بكام ب 100 ريال مثلا

يقولك طيب لما يوصلوا للنصف هبعتلك نصف المبلغ وبعدين ينصب عليك ولا عنت تشوفه لانه بالمنطق

الى استفاد فى موقعه واحصائياته زادت 500 موضوع + 500 مشاركه مبقاش محتاج يدفع فلوس علشان ياخد الباقى

وهما بيعتبروا اساسا الفلوس الى بيدفعوها فى المشاركات فلوس غير ذات جدوى بالنسبه لهم

يقولك انا عملت موقع وكمان هدفع فلوس المشاركات ليه ان شاء الله


طبعا فى ناس كويسه بس احنا بنتكلم عن الاغلبيه


قولت وكررت مليوووووووووون مره لازم نتفق قبل ما نشتغل ان كللللللللنا ناخد نصف الفلوس قبل الشغل

صاحب الموقع هيقولى وانا اضمنك ازاى ما يمكن انت الى تنصب هقوله لما انا انصب فى 50 ريال وانت تفضحنى بيهم اسهل الف مره لما انت تنصب عليا فى شغل اسبوعين واعيط انا عليهم بعد كده

يعنى انا هفكر الف مره انى افضح نفسى وابهدل نفسى وابطل شغل على النت علشان 50 ريال تافهه

لكن انت مش هتفكر الف مره قبل ما تنصب عليا فى اسبوعين كل يوم بقوم من النوم ادور فى جوجل على مواضيع مشابهه للاقسام الى عندك


الخلاصه

انا كنت فى سنه 2008 شهر يونيو بعمل 500 موضوع + 500 مشاركه وقسما برب الكعبه ب 400 ريال

النهارده الى بيعرض اقل هو الى بيشتغل لان كله ينتهز الفرصه


طيب سؤالى بقى موجه لكل الناس الى بتشتغل على النت فعلا الى هو مصدر دخلها من التنشيط

لما تعمل الف موضوع مقسمه على 15 قسم فى المنتدى بتاخد وقت ومجهود قد ايه يوميا فى المتوسط ؟؟؟


هتلاقى المجهود مش هيمشى اطلاقا مع الاسعار الى كت بقول عليها لان للاسف انتوا الى تفهتوا من قيمه شغلكوا وحسستوا اصحاب المواقع انها شغله تافهه

اصحاب المواقع بقوا حاسين انها مش شغله اساسا بل بقوا حاسين ان الموضوع عباره عن هوايه وواحد بياخد قدام الهوايه فلوس فلو جت مره وما اخدش فلوس يبقى مش مشكله ولو راح كتبله موضوعين فى اى منتدى انى نصاب وايه المشكله هو حد بيفتكر حاجه



المطلوب


لازم لابد قبل ما الحكايه تنتهى تماما وناس كتير تخسر اكل عيشها يبقى فيه تقنين تقنين لايه بقى؟؟؟

لحاجتين

اول حاجه : الاسعار لازم تكون الاسعار مقننه يعنى كلللللنا نتفق على حد ادنى للاسعار وحد اقصى للاسعار والى يحيد عنه يبقى مختلف معانا وجاى يدمرنا فى اكل عيشنا


الحاجه التانيه : لازم يبقى فيه تقنين فى موضوع طريقه الدفع وعلشان محدش يفكر انى بتاجر بالموضوع ده على حساب الناس الى هتتفقوا عليه فى الموضوع ده انا موافق عليه




طبعا فيه فرق بين نوعيتين من الناس الى بتعمل تنشيط ناس بتعتمد على الشغل ده كمهنه بتوفر بيه حاجاتها الاساسيه او الثانويه زى مثلا ربه منزل بتساعد جوزها او واحد بيصرف على دراسته وناس تانيه بتعتبر الى ييجى من الشغل ده اى حاجه تسد خانه والسلام يعنى زياده الخير مش هيضر


انا بوجه موضوعى ده للننوعيه الاولى الناس الى بتشتغل وده مصدر رزق مهم فى حياتها سواء لتوفير حاجه اساسيه او ثانويه


ربنا وحده العالم انى مفكرتش فى نفسى بس وانا بتكلم عن الموضوع ده ووالله والله والله العظيم

انا مستعد لاى خدمه طالما هتخدم الصالح العام للناس الى بتشتغل فى الشغل ده






سلام عليكم ورحمه الله وبركاته

ننتظر التفاعل يا حضرات

15 مشاهده ولا رد واحد

مش معقول

كلام عاقل وصحيح

لكن للاسف حتقول لمين


عموما الله يصلح حال الجميع ويوفقهم

انت اخدت بالك فى اول كلامى قولت بوجه كلامى للناس الى بتفهم

يارب الناس كلها تفهم

يارب الناس تفهم الكلام دا وتعقله

و بحييك على موضوعك الجميل

انا مش عايز الى يدخل يشارك يحينى انا عايز الى يدخل يشارك لو موافق على الكلام ده

يوق من عنده ايه السعر الى المفروض يوافق عليه وايه الى شايفه مناسب فى موضوع الدفع


عايزين نبقى ايجابيين ونوصل لحاجه احسن ما كل شويه واحده تكتبلى موضوع تقول اتنصب عليا

احنا بنحاول نحل المشكله من اصلها ياريت نفهممممم

السلام عليكوم و رحمة الله وبركاته

انا موافق على الكلام ده

و لازم كل المنشطين نبقا ايد وحدة و نتفق على سعر و طبعااا كل واحد هياخود رزقو ولا يمكن انا او غيرى هيخود رزق مش بتعنا على شان ربنا الى بيقسم الرزق و لازم كلنا نبقا مجموعة وحدة و نعمل اميل و نبقا مثلا شركة و واحد يمسك الشركة او الاميل و والله هنبقا كويسين جداا و الكل هيشتغل و اكيد مش هيبقا فى نصب

و لما نتفق على سعر زى ما الاستاذ صاحب الموضوع قال مش هيبقا فى اختلاف ولا ضرب فى الاسعار


و انا اول واااااااااااااااحد و معاكو فى اى حاجة على شان الموضوع ده كان المفروض يتعمل من بدرى



الله الموفق

يااااااااااااااااا خلق الله بالله عليكم اقروا الموضوع


انا بقول المطلوب حاجتين

اولا الاتفاق على السعر

ثانيا الاتفاق على طريقه الدفع



مش عايزين نبقى مجموعه واحده ولا حاجه احنا فى سوق والسوق بيبقى ليه اعراف مجموعه اعراف اشد من قوه القانون بتحكمه والى يخل بيها بيتحاسب حساب عسير


كل واحد يقول السعر الى هو شايف من وجهه نظره انه مناسب ابتداءا من

( الف موضوع )

( الف مشاركه )

ويحدد طريقه الدفع الى تناسبه

( الكل فى الاول )

( النصف فى البدايه )

( النصف عند نصف العمل )

( المبلغ بالكامل فى الاخر )


كل واحد يقول والى ييجى وراه يقول موافق او لا لحد لما نوصل ل 30 او 40 متفقين على سعر وطريقه دفع واحده

اولا أحياك على موضوعك المهم طبعا بالنسبة للجميع
وأنا موافقة على كلامك
1000موضوع +1000 مشاركة = 250 ريال
طريقة الدفع المبلغ كله مقدما

السلام عليكم ورحمة الله وبركاته

اخوي هذه والله فكره رائعه جدااااااااااا

موضوع متميز جداا

بس اعتقد انو صعب اننا نتفق ع سعر واحد

ليه؟؟؟؟؟

قولتلي ليه

اقولك

لانو هنا ف الويب العربي نختلف من شخص لاخر

يعني

فيه واحد تلاقيه شغال لواحده فعاوز سعر بسيط يمشي بيه حاله

فبطر ينزل السعر عشان العملاء ياخدوه خصوصا لو هو ولد لانو العكلاء يحبون البنات

ولو فيه بقه جروب ده بيطر لرفع سعره شوي عشان الناس اللي شغاله معاه تقبض ولا ايه؟؟

دي جانب

اما جانب الدفع

فمن وجهة نظري.............هو دفع ع الاقل اوووووي ربع المبلغ قبل البدء نتيجه للنصب

لانو المشكله ما عاد فيه ثقه بين العميل واللي شغال بالمنتدي والعكس( حسبي الله ونعم الوكيل ف النصابين)

او لضمان حق العميل يتم دفع نص المبلغ بعد انجاز رع المهمه دا ف حالة الاشتراكات الصغيره

اما لو كم كبير فيحتاج ترتيب تاني

ارق التحايا لك

اتمني يكون الرد عجبك

يا استاذى الفاضل سواء شغال لواحده او شركه او بنت او ولد اى فرد اى جروب احنا بنقول اسعار ملهاش علاقه بايه وبمين هو سعر ماشى على الجميع والى يختار يدخل السوق ويختار الى يناسبه


اما بالنسبه لطريقه الدفع

فيه واحد قال المبلغ كله مقدم وانت قولت على الاقل الربع مقدم

انا عايز 30 مشاركه يتفقوا على حاجه واحده علشان ساعتها هيبقى الامر ماششى ومفروض علينا كلنا

انا بعمل ال1000 موضوع ب90 ريال وال1000 رد ب40 ريال
وانا فرايى ناخد النص مقدم والنص التانى بعد نص المده

انا بتفق مع اميرة زماني في ردها

ممتاز يبقى


اميره زمانى وام ريتاج

هما اول اثنين يتفقوا على

الف موضوع + الف مشاركه ب 180 ريال

وعلى دفع النصف مقدم


الى يشارك فى الموضوع بعد كده يقول هل موافق على السعر وطريقه الدفع ولا بيختلف ولو يختلف يقول سعره وطريقه الدفع الى تناسبه

فعلا عندك حق انا بلاقي الي بتقولي 1000 موضوع ب30 ولو عملتي كمان الف رد يبقي 50
انا برفض طبعا واقول انا اولي بوقتي والاقي اللي يقولي بتعملي ايه دا كوبي وبيست باستهانه طيب ليه
وعوزين كذا عضويه وعاوزين اقسام وبرامج لما خلاص تقريبا مبشتغلش

طيب ياعم قول هل موافق على السعر

وقول طريقه الدفع الى تناسبك

كلام ممتاااااااز طبعا ولو في برامج وفديوهات في الموضوعات يزيك

اميره زمانى + احمد حسام + ام ريتاج

الف موضوع + الف مشاركه ب 180 ريال

وطريقه الدفع النصف مقدم



فى انتظار المزيد لازم اكثر من 30 واحد يوافق على الكلام ده

انا موافق مع اميرة زمانى

اميره زمانى + احمد حسام + ام ريتاج +مستر زيزو

متفقين على الف مشاركه والف موضوع = 180 ريال

والدفع النصف مقدم

فين الناس الى بتشتغل فى التنشيط ياجماعه

اووووووووك

سعر كويس

انا بوافق معاكو

اميره زمانى + احمد حسام + ام ريتاج +مستر زيزو + حلم العمر

متفقين على الف مشاركه والف موضوع = 180 ريال

طل استفسار اخوي

احنا ازاي نخلي العميل يثق ف الشغل

يعني والله انا بقعد اقسمله بالله اكثر من مره عشان يصدقني

بس الحمد لله بوفي بوعدي
طبعا

الحمد لله

لانو زي مانت عارف اكيد بعض العملاء اتنصب عليهم

فالحل ايه؟؟؟

شكرا

الحل يا حلم العمر بمنتهى البساطه لما العميل يلاقى كلامك مثل كلام كل الى شغالين فى هذه الشغله

كله بنفس السعر + كله بنفس طريقه الدفع مش هيكون امامه غير انه يوافق

سعر معقول جدا

وموافقه معاكم

والدفع النص مقدم والباقى فى نص العمل

اميره زمانى
+ احمد حسام
+ ام ريتاج
+مستر زيزو
+ حلم العمر
+شذى2

كلهم متفقين على الف موضوع + الف مشاركه ب 180 ريال
وطريقه الدفع النصف قبل العمل والباقى النصف فى نصف العمل

أخوي انا حاسة بمعاناتك وصدقني وضع المواضيع وتنسيقها مش سهلة حتي ان كانت قص ولصق

وانا موافقة ادفع 180 ريال لـ 1000 موضوع و 1000 رد

والدفع كامل مقدما مش النص كمان

بشرط التحويل ع بنك سعودي

ورابط المنتدي بتوقيع الي موافق يرد عليا هنا

وموفقين والله يرزقكم برزقه الحلال ويبعد عنكم شر خلقه

يبقى كمان قلب الياسمين وهو عميل وليس عامل موافق على الاسعار وطريقه الدفع


يلا يا شباب الهمه لازم الكل يجمع ويوافق علشان يكون هناك حساب عسير لمن يخلف فى الاسعار او طرق الدفع

كلام جميل فعلا بس انا لما جيت اشتغل انا واصدقائى ونفتح الشركة فى التعبة والتنشيط شوفنا متوسط الاسعار وانا شايف ان المتوسط كان 1000 توبك ب مائة ريال وطبعا المواضيع موش بتبقة كوبى وبست زى محضرتك الحمد لله لينا عملاء كتير وانا المشكلة ان بقبض ربع المبلغ فقط فى الاول وبعد الانتهاء باقى المبلغ الى الان لما ينصب عليا احد ولكن اشكرك للتلميح لعملية النصب بعد الانتهاء


وفى نقطة تانية خطيرة فعلا اصحاب المواقع بقو مستهترين بلتعبئة والتنشيط جامد جدا جدا والبعض منهم بيقول علينا 90 فى المية اطفال وبينصبو

وموش بيصدقو ابدا انها مممكن تقكون شركة وليها مقر عمل ومشهرة


يعنى احنا شركة ولينا مقر عمل ومشهرة بسجل تجارى علشان شغلنا فى القاهرة الدعاية والاعلان

العملاء اصبح عندهم استخفف كامل

وكمان بقة عاوز اقول نقطة تانية للكل العملاء ياريت عند الاتفاق

تتفق وتثبت على رايك

موش تيجى مثلا تتفق انك عاوز الالف موضوع فى اسبوع وتكلم واحد صحبك وتقولى لا عاوز كل 10 ايام 100 توبك وهكذة دة بيسبب للشركات الى فعلا شركات وماشية على نظام تشتت كامل لانو بيبقة عندو اكتر من عميل

احنا فى الموضوع ده بنحاول نتفق كلنا على حد ادنى وحد اقصى للاسعار

وبنحاول بنتفق بردو على موضوع الدفع نظامه ايه




بنوحد كلمتنا وبنعمل حاجه زى قانون يمشى علينا كلنا

انت داخل تشارك مشاركه مش فاهم منها حاجه مع الاسف اقرا الموضوع بشى من التركيز

يا قلب الياسمين

انا املك حساب راجحى والعمل كله بالامكان ان يتم على اسبوعين او على شهر مثلما تحبى

والشكر لكى

بص ياباشا اعتقد العميل الى يروح للسلعة الارخص بيخسر كتير وعن تجربة ان عندما بيجيلى عميل ببدا اعملو شغل فى الاول يحكم على جودة الموضوع تنسيقة محتواه سرعة وضع الموضوع وهكذا تاكيدا تاكيدا الشركة الى بتعرض 1000 موضوع ب50 ريال

هيبقة فعلا كوبى بست وبدون تنسيق ولا اى حاجة


لو انتا اتفقت على 1000 موضوع ب180 ريال معنديش مشكلة وموش هقولك استنى لما ناس كتير من الشركات تدخل وتوافق لانى واثق طالما شغلى حلو ومتميز العميل موش هيمانع ارتفاع السعر بس

يبقى دلوقتى 7 افراد موافقين على الالف موضوع ب 180 ريال


اميره زمانى
+ احمد حسام
+ ام ريتاج
+مستر زيزو
+ حلم العمر
+شذى2
+AHMEDREFET2008


وطريقه الدفع النصف فى البدايه والباقى فى نصف العمل

ياجماعه محتاجين 30 فرد متفقين على راى واحد ساعتها بيكون الامر ماشى على كله والى يخالفه يبقى بيحاربنا فى اكل عيشنا والى هيقولى الارزاق على الله هقوله ونعم بالله

بس واجب عليك تحمى اكل عيشك من الناس الى بتقطع عليك

والى هينزل فى الاسعار بعد كده يبقى بيقطع والى يقبل يشتغل بطريقه مختلفه فى طريقه الدفع عننا يبقى بيقطع
يلا ياجماعه

اهم حاجه تقول رايك موافق على الاسعار ولا لاء

وموافق على طريقه الدفع ولا لاء

احنا بنحاول نخلق مجموعه من الاعراف تكون مثل القانون يحكمنا كلنا