|
الفرق بين الاشراف والتنشيط ولعب العيال
اعرف جيدا ان هذا الموضوع قد لا يعجب الكثير منا لكن للاسف اصبح الموضوع استفزازى جدااا هناك الكثير منا يعمل فى مهنة التنشيط او الاشراف او حتى ادارة المنتديات والكثير منا ايضا يمتلك منتديات او مواقع او صحف .. لكن السؤال هنا لماذا تعمل فى هذه المهنة ..؟؟ ولماذا تمتلك منتدى او موقع او صحيفة ...؟؟ ما هو الهدف من وراء ذلك ؟؟ وهل تمتلك المهارات والقدرات الكافية التى تؤهلك لهذا العمل ؟؟ للاسف الكثير لا يمتلك هذه المهارات والاعجب من ذلك انه لا يعلم ما هذه المهارات وفيما يستخدمها واذا حولت ان تشرح له كأنك اخترت الموت البطىء فهو مصمم على عدم الفهم وعدم الادراك وكأن هذا العمل لا يتطلب اى شىء سوى وجود الايدى والكمبيوتر والانترنت .. على الطريق الاخر اشخاص تمتلك منتديات او مواقع او صحف تمتلكها بدون وعى بدون هدف قد يكون اكبر اهدافه ان يقول امام الناس انه يمتلك منتدى او انه مدير منتدى فهو لا يعى معنى ان يمتلك منتدى او موقع وتأكيدا لهذا المضمون كل يوم الكثير من المنتديات والمواقع يتم افتتاحها وكل يوم الكثير من المنتديات يتم اعلان افلاسها وغلقها او تركها هكذا على حالها فعدم وجودها افضل من وجودها بكثير " الحال مستفز بين هذا وهذا " اعتقد انه يكفى تهميش ولعب عيال كل هذا الوقت الماضى من الاحتكاك المباشر بالانترنت والمواقع واعتقد انه حن الوقت ليكون لن هدف واضح ,, انا لا اقول لجميع الاخوة والاخوات الزملاء الذين يعملون فى مجال التنشيط والاشراف تخلوا عن عملكم بل اقول لكم اتقوا الله فى انفسكم وفى اعملكم اذا كنت لا تعلم يجب ان تتعلم ان عملك ليس عبارة عن بست وكوبى ان من اوهمك بهذا ليس جدير بالاحترام ان عملك هو فن راقى انت تنشر العلم والثقافة انت تفيد الاخرين وتستفيد لذا يجب ان تحترم مهنتك وحترمك لمهنتك يعنى أتقنها بشدة والتطوير منها ومن نفسك ومن مهاراتك اللغوية والثقافية انك حينما تكتب موضوع حصرى فأنت بدون شك كاتب تشكل عقول وتفرض قضايا وتغرس قيم ومبدأ. وحين تنقل موضوع من فرط اعجابك به لتفيد به الاخرين فأنت تنشر العلم والمعرفة بين الناس. وحين تقدم الرد الوافى الكافى فأنت تنير عقول وتترك بصمتك على الاخرين . "فلا تستهين بما تقدم " فكيف تقدم كل هذا وانت تعمل مثل الاله الكاتبة ارقام خيالية 1000 موضوع و 3000 موضوع ارقام حتى الاله لا تستطيع الوفاء بها سؤال يحيرنى كيف أستطيع الرد على 100 موضوع يومى واكثر؟؟ هل تستطيع ان تقراء فى اليوم 100 موضوع كامل حتى تلم بكل اركان الموضوع وتستطيع الرد الذى قد يتطلب منك الاطلاع والبحث اعتقد ان الامر يحتاج الى معجزة حتى تقراء 100 موضوع وتقدم الرد الكافى الشافى او تلجاء للرد بصورة شكرا وبارك الله فيكم فهو حشو عدم وجوده افضل بكثير من وجوده لا يجذب الزائر ولا يفيده ولا يثرى معلومته والخطأ ليس فيك قد يكون فى صاحب الموقع الذى يطلب يوميا 100 موضوع يومى وشهريا 1000 موضوع مقابل 100 ريال او اقل ثمن بخيس لبضاعة ثمنها الاصلى اكثر بكثير " وفى النهاية فكل الاطراف خسرون" صاحب المنتدى قد كما بتعبئة موقعه باكثر من 10000 موضوع ورد كلهم بست وكوبى وبأرخص الاسعار ولم يأتى زائر واحد وان جاء لن يقوم بالتفاعل المطلوب اقصى شىء يأخذ ما يريده ويرحل دون عودة وهذا ليس حال جميع المنتديات بل حال معظمها لان هناك من المنتديات التى تغلق ابوابها من كثرت الزائرين والاعضاء وتقدم كل ما هو مفيد وثرى وحصرى تكلمنا كثير فى جوهر الموضوع اين الحل اذن ؟؟ الحل من واجهة نظرى بسيط بدل ان تقوم بتعبئة موقعك 100000 موضوع ورد قوم بتعبئه 1000 موضوع فقط مفيد وثرى وحصرى وعطى الفرصة للمنشط او المشرف ان ينتقى الافضل لك وان يخرج لك كل ما فى جعبته من مهارات وفنون هذه وجهة نظرى وقد تكون غير صحيحة لكن اعتقد ان هناك مشكلة بالفعل يعانى منها الكثير والكثير من المنتديات اليوم وسيعانى منها الاكثر غدا. اعتقد ان يجب النظر الى هذه المشكلة والحث فى الحلول لان فى النهاية هذه المنتديات ليست مجانية انها تكلف اصاحبها الكثير من الوقت والجهد وحرام ان تضيع هباءا وكأنها لم تكن بقلمى :شيماء وجيه |
هو مش حضرتك الى عامله الاعلان ده http://www.arabwebtalk.com/showthread.php?t=116606
يعنى لو صاحب موقع قالك عايز 100000 موضوع وهيدفع مبلغ مغرى هتقولى له لا معلشى انا هاحطلك مواضيع مميزه ومفيده وحصريه وبعدين بصراحه فين المواضيع الحصريه كله بينقل من بعضه ومفيش موضوع ظهر جديد من 220 سنه ق . م وبعديم ما انت كاتبه فى اعلان ليكى (اى عدد مشاركات فى اى وقت يحدده صاحب المنتدى) بالتوفيق لكى |
بارك الله فيك شيماء
اعتقد ان الهدف لبعض من يفتتح منتدى ويجتهد في تعبئته بأسرع وقت وتنشيطه ... الخ هو ( الربح المادي ) فالانترنت اصبح مجال تجاره وعمل وعرض وطلب وكل المواقع متشابهه في مجال تقديم الفائده والمنفعه في مختلف المجالات الحياتيه والعمليه والتوفيق من رب العالمين ولكل مجتهد نصيب |
اهدي كده يا شيماء من زعلك بس.
اقري أية الكرسي والمعوزتين وإستعيذي بالله من الشيطان الرجيم. _________________ أحنا في سوق... والسوق هيا الي بتطلب... الي بيعرض بيعرض بناء علي متطلبات السوق... يعني أنا مش راح أعرض موضوع حصري سعره 4 ريال.(وده السعر الي المفروض يكون حد أدني) بس إحنا مش بنمشي بالمفروض ... إحنا بنمشي حسب متطلبات السوق. والكلام ده في اي سوق عمل حتي الأجنبية... العروض بتحددها المتطلبات. طب انا صممت لواحد متدي السعر بتاعه 350 ريال.. وأعتبره غالي تصوروه ((انا بقول)) هو عنده حق... لإن فيه ناس تانية ممكن يكونوا بكفائتي مستعدين يصممه بسعر ارخص... والناس التانية مش بترخص نفسها... لاء... ديه مشيه حسب متطلبات السوق برده... والناس الي بتعمل كوبي وبست... مش ناس وحشة... برده مشية بمتطلبات السوق.. _________ طب ايه الحل الحل بسيط.. نصبر شوية... المجتمع العربي علي الإنترنت نت بيتطور للأفضل.. وإحنا بنتطور معاه. |
اول مره من زمااااااااااااااااااااااا ااااااااااااااااااااااااا ااااااااااااااااااااااااا ااااااااااااااااااااااااا اان الاقى موضوع يعجبنى يعجبنى بجد فى اى منتدى اه والله عجبنى فعلا
الى كتب الكلام ده لو باى داع حتى لو كان الدافع انه يخلق لنفسه فرصه اقوى بس الكلام نفسه صحيح مليون فى المائه |
إقتباس:
هوا عادة من عوايدنا لما حد فينا يفكر صح يطلعلو واحد يحاول يكسر مقاديفو وانتى زعلانة ليه ومالك كدا داخلة شمال المفروق دا نقاش وهيا بتكلم صح ولا يمكن عندك شوية عملاء خايفة يقرو الكلام ده حاجه عجيبة والله وبعدين كل واحد حر يكتب الى هوا عاوزو فى موضوعو من العيب بقا ان واحد مالوش دخل بالموضوع وفجاة يدخل ويروح يشل الحركة كدا بالنسبة للكلام الى طرحتية فى موضوعك انا شايف انو كلام جميل جدا وياريت ان فعلا اصحاب المواقع يفهمو المعنى الحقيقى من ده انا كنت بعمل عروض بكميات مواضيع كبيرة بس فعلا كلامك صح وبقولها اهوا لانو مش عيب ااننا كنا بنواكب السوق دلوقتى ممكن اقدم خدمة افضل وانتى ممكن تقدمى خدمة افضل لاى موقع ايه الفايدة لما نطرح مواضيع فى المنتدى 1000 2000 700000000000 ممكن ولا موضوع من دول حتى اى عضو يدخلهم من برة المنتدى لانو اكيد شافهم قبل كدا فى منتدى تانى لاكن الفكرة كلها لو الموضوع مميز وجميل وحصرى دا هيجزب كمية اعضاء مش عضو واحد وفى النهاية بتمنى التوفيق للجميع تحياتى مصطفى |
الموضوع صح مليون بالمائة.
بس مكانه مش هنا.... لانه فعلا كله حايزعل.. و الدليل على ذلك .. انى عملت موقع لواحد بدون اى برمجيات نهائيا .. كله على بعضه كان عبارة عن 9 صفحات htm عاديين جدا جدا. بس فكرته كانت فريدة من نوعها ... كان خاص بتبرعات الدم.. الموقع دة فى خلال 3 شهور حصل على بيج رانك 2 من عشرة فى جوجل... و التلات شهور التاليين حصل على بيج رانك 3 من عشرة .. و امفاجأة الكبرى . ان جوجل عمل تقسيم لاقسام الموقع دة .. زى التقسيم اللى بنشوفه للويب العربى و ترايدنت فى جوجل.. رغم انه 9 صفحات بس.... طبعا كل النجاح دة لان الفكرة كانت نادرة الوجود . و بعدين كمان تبص تلاقى اغلب المواقع عبارة عن منتديات ... حتى كل المنتديات تكاد تكون كلها زى بعض من حيث التقسيم ( الترحيب و الطبخ و البرامج و الصور ... الخ) لو فرضنا مثلا كتبت فى جوجل (برنامج تكبير الصور) شوف كام الف موضوع حايطلع فى البحث .. و كلهم نسخ و لزق. الى عاوز يعمل موقع ناجح بجد بجد... يبعد بعيد عن السكربتات المجانية الموجودة.. لان كل السكربتات اللى على النت لا يتعدوا ال 20 سكربت .(منتدى . مجلة الكترونية . مركز تحميل . مركز العاب . معرض صور . تفسير الاحلام . طبخ . فوتوشوب . توبيكات . على كام لعبة اون لاين . الخ) لازم تكون عنده الفكرة الاول .. قبل ما يفكر فى الموقع نفسه. و بعدين دة فيه مواضيع كتير اوى مش موجودة على النت و ناس كتير بتدور عليها و مش بتلاقيها. و فى افكار كتير جدا جدا جدا ممكن تعمل مواقع ناجحة بجد. و مش حاتكلف صحابها كتير. و لا حاتكلفهم اكتر من ساعة واحدة يوميا للمتابعة. بس احنا محتاجين شوية تفكير. اتمنى لكم التوفيق. |
مع احتراامي الشديد
لكل المصرييييييين انه مافي احد ينزل الالف المشركات غيرهم ليش مين هذا اللي يقدر يقراء في اليوم 100 موضوع تلاقي الناس اللي تشتغل بي هذا الاسلوب ماتقراء شي وكله نسخ ولصق والف شكرا لكم تحيييياااااااتي |
والله المنتديات سعودية وقطرية
وهما مش بيفهمو نت ذنب المصريين ايه؟ متجبيش غلطكم علينا الي مش بيفهم نت يريحنا ويبطل يفتحو مش يروح يعمل منتدي اكبر المواقع في العالم العربي هي مواقع مصرية والي شغال فيها مصريون ماي إيجي مصري والي شغالين فيه 99% منهم مصريين هو أكبر موقع عربي بعد جوجل وياهو إلخ وقبل حتي مكتوب وجيران إلخ ترجمة وتحميل افلام واغاني وبرامج وكل الي تتصوره بجودة عاليه مصري 100% الي عايز حاجة زي ديه يشخلل جيبه ويبطل يطلب كلام فارغ برخص التراب وإحنا برضه المصريين الي هانحطه والي غيران منا يقلدنا وسيبو النت لأصحابه إحنا عندنا بنعلم عيلنا النت من وهما عندهم 6 سنين والكلام ده من اكتر من 7 سنين وعيل واحد عندنا يفهم في النت اكتر من الف صاحب منتدي خليجي لمو لسانكم عن المصريين... إحنا بنشتغل ونتعب عشان ناس تانية تتمنجه بمنتدي وتقعد تقول لأصحبها عندنا منتدي. انا بحذر!!!!!!!! إلي هايفتح موضوع المصرين وهما وحشين إزاي.. انا الي هاقفله وانت حرين بقي قبل كده وفي نفس المنتدي ناس عملت كده وتانتني وري الموضوع لغاية متقفل وإتفرجو علي موضوع بنت الأصيل(أضغطو علي رابط الموضوع) مطلوب عاااااجل: هلا والله اخواني ابي هكر يخترق منتدى اذا فيه احد يبلغني الله يجزاه الف خير |
إقتباس:
إقتباس:
انا لست خليجيا ولاادافع لا عن خليجي ولا مصري انا فلسسسسسسسسطيني وافتخر كل الفخر اني فلسطيني ومن غزة يعني جمبكم مافي بيننا الا الحدود ..!!! إقتباس:
دامكم هيك ... كام واحد في مصر كلها حافظ القران؟؟ هل بتعلموهم من هما 7 سنوات حفظ القران؟؟ إقتباس:
وانا اقول انكم تعاملاتكم مع خليجية 1000% لئنه تقله 1000 ريال يدفع مباشرة ... ومنهم من ينصب ايضا وهذه عن تجربة وايضا مصرييين نفس الكلام إقتباس:
هناك اشيااااء كتيييييييير خطاء من الجانبيييين العرب بشكل عام وخاصة الخليجييين لئنهم بدل مايحطوا فلوسهم علي المفيد بيحطوا علي اشياء اخري وهذا رابط موضوع انا بحطه ياقمر قبل ماتحطيه .... وفي الختاااااااام والله اعجبني كلامك 10000 اختي شيماء وبالتوفيق لك وللجميع تقبلي مرور دموع للاشراف |
الا بذكر الله تطمئن القلوب
|
لاحول ولا قوة الا بالله
|
بصو إحصائيات دموع وانا اقول انكم تعاملاتكم مع خليجية 1000% لهكر 90% من السعودية ياقمر .... سيدي يا سيدي علي الإحصئيات الدقيقة... اكيد زي إحصائيات خدماتك اكسب مئات الف الزوار (( عروض الاحلام والابداع - دعاية واعلان مع دموع الاقصي)) مصدق... متحلفش خلاص يا جدع مصدقينك حملة تضامن مع الرجل ده دموع للاشراف يا خليجية أتعاملو معاه... وانسو المصرين... هو حاجاته مفيدة وبيجيب مئات الألاف من الزوار وشوفه منتداه (الأعضاء: 2,563, الأعضاء النشطين: 79) اضربهم في ميت الف وتخيلو أنهم سكان الأرض جميعا. إحنا بنعلم عيلنا القرأن؟ هو ده السؤال الي المفروض اجاوب عليه؟؟؟؟؟؟؟ يااااااااااااااه هيا فيه ناس مفكرنا كفرة هيا وصلت للدرجادي _____________________________ تاني عشان خاطر عيونكم إحنا بنستعمل النت من قبل اي دولة عربية إحنا بنعلم عيلنا النت والأوفيس من وهما عندهم 6 سنين. إحنا اصحاب اكبر موقع عربي ولا فخر myegy.com اصحابه مصرين والي بيشتغل فيه معظمهم مصريين. موقع مش هاتلاقي أحسن منه وكله تقليد ليه. مش ذنبنا بقي إن فيه ناس بتخش في مجال ملهاش فيه... وعايزه منتدتي تتفشخر به قدام اصحباها ________________________________________________ فيه ناس نسيت تقتبس مني دي. يا تري ليه؟ "اكبر المواقع في العالم العربي هي مواقع مصرية والي شغال فيها مصريون ماي إيجي مصري والي شغالين فيه 99% منهم مصريين هو أكبر موقع عربي بعد جوجل وياهو إلخ وقبل حتي مكتوب وجيران إلخ" لاحول ولا قوة الا بالله |
للمره المليون قلنا ماحدش يدخل مصر ولا غير مصر فى الموضوع
دلوقتى الموضوع مفتوح عشان شئ معين وهو مناقشة فكرة طرحتها الاخت ايه دخل مصر ودخل القران فى الموضوع وياسيدي الفاضل المصريين فيهم الى بيعلم اولادو القران وفيهم لا والفلسطينيين فيهم الى بيعلم ولادو القران وفيهم لا مش مصر كلها كفرة وفلسطين كلها انبياء لاحول ولا قوة الا بالله كلام يحرق الدم بصراحه ياريت شوية التزام وزى ما انت فخور ببلدك احنا كمان فخورين ببلدنا وياريت ما تدخلش دول تانى فى الكلام ده لان بصراحه طفح الكيل |
علي فكرة يا استاذ مصطفي مش اول مرة تحصل الحكاية ديه...
وتفضل الويب العربي بقفل الموضوع.... مش متذكر رابط الموضوع. إحنا كنا بنتكلم في الفلوس والعروض والسوق... بس تعمل ايه. وكانت هاتكون مناقشة حلوة.. بس لازم ناس تنط كده في نص الموضع بكلام غريب... وديه احد اسباب الفشل الذريع في معظم مواقع العرب بالمقارنة بالأجنبي... إننا لازم نشخصن مناقشتنا... جميل أحد فريق الويب العربي مصري... تحية للويب العربي... أحد اكبر مواقع العرب التكنولوجيا الخليجيون عاملو مواقع جبارة زي مكتوب مثلا ((للاسف راح علينا وبقي بتاع ياهو)) كل ما هونالك إن فيه تقليعة ماشية في اللخليج إن الواحد يبقي عنده منتدي... ناس كتير مش بيفهمو في النت خالص... راحو عملو منتدي عشان التقليعة ديه... الوف علي ما أعتقد... الأعداد الجبارة ديه أحد((وليس كل)) اسباب إنخفاض أجور المصممين وكاتبي المواضيع إلخ... ملحوظة: الناس الي بيضيفو الالف المواضيع زي مابيتقال هما اطفال((اه والله اطفال)) بيشتغل 100 وب 150 جنيه ويروحو يشترو بيها حاجة حلوة...... تصورو... والناس الي بتئجرهم عارفه كده بالنسبة لطف 150 جنيه في الشهر ده مصروف جبار((يجيب شوكلاته بالهبل))) انا قريت اتنين بيكلمو بعض واحد فيهم بيقول للتاني : هابعتلك مرتب الشهر((((150 حنيه))) التاني قاله: ابعتو بئسم اخويا عشان انا معنديش بطاقة!!!!!!! يعني من الاخر طفل اصغر من 16 سنة(((الناس بيطلعو البطاقة وهما عندهم 16 سنة في معظم دولنا العربية)).... لاحول ولا قوة الا بالله |
يا جماعة الخير من خلال الكلام اللى قدامى
الموضوع له وجهة نظر انا اؤيدها لكن احب اقول ان معظم المواضيع المميزه بتعجب الناس اللى فاهمه بس يعنى فى ناس عاوزه تعبئه فقط وناس عاوزه مواضيع محدده ومش مهم العدد واكيد زى مافى ناس بتاخد الفلوس بتشترى حاجه حلوه فى ناس محتاجه ومش بتقدر تعمل شيء غير الشغل من خلال النت يعنى الفكره نفسها يا شيمو حلوه جدا وكلامك تمام بس فى ناس هيا بقى اللى بتحدد ماتريد دى وجهة نظرى |
إقتباس:
مع جزيل شكرى لمرورك الكريم ,, مودنى.. |
إقتباس:
مع جزيل شكر لمرور الكريم الله يوفقنا جميعا .. |
إقتباس:
والمثل هنا مختلف بعض الشىء فتصميم مثل تصميم له نفس الجودة والمعاير بالتاكد سوف اختار الارخص لكن موضوع هلك من كثرت نقله كماهو بدون حتى ان يقراء بدون ادنى تغير او حتى تعديل ما هى النتيجة لن يتم ارشفته لن يجلب زائرين اعتقد ان عدم وجوده افضل .. |
إقتباس:
|
بكل صراحة وبدون زعل معروفة ان المصريين هم الافضل ع النت لان المصريين اصلا هما اللى صنعو كل حاجة فى النت العربى
فمواقع مصر الافضل سبيل المثال ماى ايجى - دى فى دى العرب - يلا كورة - فى الجول - المشاغب وكلهم بقالهم حوالى 10 سنين ولكن الخليجين بقالهم 5 سنين ولهم مواقع جيدة مثل ترايد نت واللى تقول حملة تضامن العمل مع دموع للاشراف عيب هذا الكلام مع الاحترام لدموع الاشراف فهى فعلا جروب جامد ولكن عيب ان واحد يدخل يقول حملة وكدة بان الكل يشتغل معاه فليكن الافضل تقول انا عندى تجربة مع دموع الاشراف وممتازة ونصائح وكدة مش تقول حملة وارجو من الجميع يتقبل وجهة نظرى وفعلا موضو حلو وشكرا |
إقتباس:
متقري كلامي يا بشمهندس ولا انت قريت اربع كلمات فهمت منها الموضوع انا مش بدعو لحملة ولا مشاركة اقري الكلااااااااام وحياة والديك قبل متكتب هاقتبسلك جزء من كلامي... عشان الظاهر إنك مش هتقري اكتر من سطرين... فمش هاحطلك كلامي كله. إقتباس:
وهابداء بنفسي... النهاردة هاقراء 5 كلامت وبكره 6 كلامات وهكذا لغاية علي السنة الجديدة أكون اتعلمت اقراء فقره بحالها!!!!!!! وكلام الأستاذ محمد بيفكني بمداخلة ليا إقتباس:
أخوكم يامن عشان فيه ناس الظاهر قرتها ياسمين.... ممكن نبقي نعمل حملة لقرائة الأسماء برضه مش هايضر وارجو تقبل مشاركاتي بصدر رحب من أخواني كلهم |
إقتباس:
مشكور اخى مصطفى وانا اشهدلك انت احسن دعم فنى لانفنتى |
إقتباس:
ل كود PHP:
الله عليك انت فعلا وصلت لحل اخر التفكير والتجديد بمعن ان الاصل يرجع الى الفكرة الرائدة الغير مكرره يسلم العقل الراجح أخى ... |
إقتباس:
هناك الكثير مصرين وخليجين ومن المغرب العربى يقبلوا بذلك وهناك ايضا الذين لا يقبلوا .. الخطأ هنا هو التعميم ليس كل المصريين هكذا اعتقد انهم البعض فقط .. وذلك ليس عن عمد منهم بل هو للاسف طلب اصحاب المنتديات ذاتهم خالص تحياتى ومودتى لك .. |
إقتباس:
والاخت محصلش منها أساءة فعلا فى مصريين بيعملو ا 10000 موضوع ومدش قال ان دع عيب لا سمح الله احنا بنفكر مع بعض بصوت على علشان نوصل لحل .. |
إقتباس:
|
ربنا يكرمك يا شيماء وانتى بجد انسانه مكافحة ومتميزة ربنا يوفقك فى حياتك
|
إقتباس:
اهو عندك اقرب مثال . الويب العربى. و فى نفس القسم اللى احنا فيه دة. صحاب المنتدى وجدوا ان مواضيع النصب هنا كتير جدا . و لاحظوا ان اى موضوع نصب بيجيب عدد مشاهدات كتير .و ردود كتير. استغلوا الفكرة. ازاى استغلوها؟؟؟؟ عملوا موقع اسمه محكمة نت... و اكيد الموقع دة حاينجح نجاح كبير... لان فكرته جديدة و مش موجودة على النت.... و طبعا فى نصابين كتير و فى نفس الوقت فى اعداء كتير لاصحاب الشركات الناجحة. كله حايدخل يخبط فى كله . و فى الاخر سيكون موقع محكمة نت من اكبر المواقع. لو بصيت على نفس الموضوع اللى انت كاتبه دة... حتلاقى اغلب الناس تركت مضمون الموضوع و اتكلموا فى المصريين و الخليجيين و مين فيهم اللى احسن. طيب لو فى حد بيفهم ممكن يستغل الفكرة دى.. ممكن يعمل موقع تكون فكرته قائمة على التحدى بين المصريين و الخليجيين و السعوديين......... و اتفرج على النجاح اللى حيلاقيه موقع بالفكرة دى. حاينجح بسرعة الصاروخ.. و شكرا |
إقتباس:
ايه رايك نعمل موقع ما بين الصهاينة والعرب ونخليهم يلعبو صلح في قفه بعض... فكرة جديدة وهاتهري قفي البشرية بالهبل...وإحنا عارفين قفي مين من الفريقين الي هايتهري في الجانبين... سنتظاهر انه انه الصهاينة ونسميه إنتصار تكنولوجي.. ومن نجاح إلي نجاح يا عرب (بهزر معاك) (الجد بقي) المواضيع الجنسية بتشد الاف الناس منعمل موقع زي ده!!! ولا مواضيع صور القتل والشنق والإغتصاب!!! ولا مواضيع..... مقدرش اقول!! |
بعكس ما بيقول الإستاذ amorsey الناس إهتمت بمحتوي موضوع msms38 ....
بس لما حصل فيه إنحراف صححناه عشان نرجع للموضوع الأساسي نقي و بيوور.. مش ينفع نسيب الموضوع الأساسي ونروح نبني موقع علي الإنحراف ونسمي ده فكرة جديدة... بالنسبة للمحكمة نت الموقع لو نجح هاينجح بس عشان الويب العربي بيعلن عنه... غير كده الفكرة مش جديدة ومعمولة غلط http://www.complaintsboard.com/ ونلاحظ إن الموقع الأجنبي مش بيشهر بأي شركة ولا بيدي فرصة لده... http://www.fbi.gov/majcases/fraud/internetschemes. htm موقع حكومي رسمي بعلم الناس إزاي تتعرف علي نصابين الإنترنت وإزاي تتجنبهم... المفروض الموضوع ده تتولاه جهة رسمية بصوا الناس الصح http://www.ic3.gov/default.aspx هما دول((((الناس الصح))))... عموما أصحاب الويب العربي بيحولوا يسدو الفراغ إلي سبيته الحكومة... ومعتقدش فييه بديل عن الجهة الحكومية... بس هما مشكورين مجهوداتهم |
انا مش بهزر. انا بتكلم جد.
حتى انا افتكرت دلوقتى رجل سعودى كان عاوز يعمل موقع زى لعبة ترافيان .. و كان بيدور على فريق برمجى يبرمج له سكريبت مشابه لترافيان .. مع الفرق ان اللعبة تكون بين المصريين و السعوديين .. و يكون فيها حروب برية و حروب بحرية .. يعنى حرب بالسفن و الغواصات و كدة .. و فعلا وجد مبرمج يبرمج له هذا الاسكربت .. لكن السعر كان غالى على الراجل .. المبرمج كان عاوز 55 الف ريال .. و ينفذه فى فترة لا تقل عن 8 شهور.. الراجل عرض عليه 40 الف ريال .. لكن المبرمج رفض. طبعا الراجل اللى كان حايدفع 40 الف ريال دة . هو فاهم بيعمل ايه. و عارف كويس انه ممكن يعوضهم فى اول سنة او سنتين. بالنسبة لان موقع محكمة نت بيعوض عمل حكومى .. فعاوز اقول ان ليس هناك اى قانون عربى يحمى تعاملات الافراد على الانترنت .. لا يوجد سوى قانون واحد فقط و هو خاص بالتوقيع الالكترونى.. و اى كلام بيتكتب على صفحات الانترنت سواء فى منتديات او فى ايميلات خاصة . يعتبر ليس له قيمة فى الاثبات. يعنى مثلا ما ينفعش انى اشترى موقع من واحد عن طريق ايميلات .. و يكون مكتوب فيها اعتراف من البائع انه استلم تمن الموقع .. و اروح ارفع قضية و اطالب بحقى استنادا على الكلام المكتوب فى الميل... طبعا القضية حاتترفض من اول جلسة. لو اى حد جرب و راح مباحث النت و قالهم انا اتنصب عليا من فلان الفلانى.. اول سؤال بيسألوه .. معاك دليل كتابى على كلامك؟ طبعا الرد لا.... حايقولك لازم يكون فى اى دليل كتابى علشان نطلع تأشيرة من النيابة. يعنى عاوز اقول ان الحكومة و القانون علشان يسدوا الفراغ دة .. و لا 50 سنة.... لان دى محتاجة تشريع و قانون يطلع من مجلس الشعب. معلش انا شغلتى محامى(و حكاية الدعم و التصميم دى هواية و لا يمكن الاستغناء عنها) و مسكت قضايا الكترونية كتير .. و اخر قضية هى قضية هيثم اللى نصب فى 5 مليون دولار.... طبعا الكل عارفه. اما بالنسبة لحكاية استغلال الويب العربى لفكرة النصب . فا دة مثل على ناس بتفكر و ناس بتفهم... يعنى ممكن برده واحد يستغل الحكاية دى فى محتوى تانى ... ازاى؟ دلوقتى فى طرفين بيتعاملوا مع بعض .. واحد حايدفع فلوس .. و واحد حايكتب مواضيع مثلا او يصمم موقع او اى حاجة؟ و طبعا الطرفين مش واثقين فى بعض. ممكن يتعمل موقع و يكون وسيط بين الطرفين .. يستلم الاموال من الطرف الاول . و لا يسلمها للطرف الثانى الا بعد الانتهاء من العمل . و ياخد نسبة بسيطة .... طبعا حايكون تعب فى الاول و الناس مش حاتثق فى الموقع بسهولة .. لكن مع الوقت اكيد ستتواجد الثقة. زى موقع سيدو اللى بيعتبر وسيط فى بيع الدومينات... يعنى كلها مجرد افكار جديدة ... حتى لو موجودة فى مواقع اجنبية و مش موجودة فى مواقع عربية . المهم ان اى فكرة تعمل موقع ناجح افضل بكتير من المنتديات و الكلام دة. تحياتى لكم |
الفكرة في منافسة ما بين شعبين معينين هي فكرة منحرفة...
لأن كل الي هايعملو الفريقين هو الخناق مش المنافسة ابدا... ومن خلال لعبة... إنت مشفتش كرة القدم ولا ايه... ده غير القمار وتضييع الفلوس وتضيع الشباب الصغير بالذات علي كلام فاضي المفروض بعد منفكر في فكرة نفكر في عواقبها مش بس فوايدها... اما الي إنت قلت عليه افكار جديدة ... هي أفكار موقع اجنبية وافكار سليمة... عشان الناس ديه فكرت بالصح عموما عشان تبقي فيه فكرة جدية وكويسة لازم نتعامل مع موضوع ال 50 سنة الي قلت عليهم دول.... من غيرها إحنا بننفخ في قربة مقطعة... لو تقصد موقع زي freelancer.com... انا شوفت موقع عربي زيه بقاله فترة علي النت وشغال بس نسيت اسمه.... وبالنسبة للمحكمة نت هو مجهود مشكور ... عشان الموقع بيحاول يسد فراغ موجود... لكن تصور واحد دخل وقال جودادي نصبت عليا!!... تفتكر جودادي هاتعبره علي موقع المحكمة؟! والموقع ممكن يستخدم للتشهير بأصحاب المواقع التانية .... وكفاية إن واحد يذكر اسم اي موقع فيه ... خلصت... الموقع وقع في دائرة الشبهات... حتي لو أثبت أنه بريء... محدش برده هايحب يتعامل معاه... والناس مش هاتقري موضوع الشكوي كله... إنت عارف الناس بتقري إزاي علي النت __________ التوقيع ______________ موقع للعمل الصحافي والصحافة واخبار الصحف |
إقتباس:
مشكور اخى على مرورك الجميل واجمل تحية وتقدير منى لفلسطين الحبيبه واهلها جميعا |
إقتباس:
نعم القليل فقط هو من يفهم والكثير ليس عنده وقت ان يفهم اصلا وكانها مجرد موضه ليس اكثر تشرفت بمرورك ريتاج |
السلام عليكم ورحمة الله وبركاته
اولا احب احييكى شيماء على صراحتك بغض النظر عن الاراء المتناقضه يا جماعه شيماء بتتكلم بجد ودى الحقيقه للاسف موضوع الاشراف والتنشيط بقى دلوقتى كام موضوع وكام رد بصرف النظر عن المحتوى فيه ناس بتنزل مواضيع بدون حتى النظر ليها علشان تكمل عدد مش اكتر وللاسف بيكون فيه مخالفات كتيره بسبب كده بس مش معنى كلامى انك تغيرى ضميرك ومبداك علشان ترضى مديرك انا عن نفسى عملت مشرفه فى منتدى اول ما بدأ كانوا 6 اعضاء بس وبعد سنه بفضل الله وبقضل مجهودنا ومراقبتنا للمنتدى فى نفس الوقت وصل للالف عضو وايه النتيجه ؟؟ دلوقتى مدير المنتدى معاملته اتغيرت معانا لانه خلاص استغنى عننا قدمت استقالتى لانى كنت بقدم كتير علشان حاجه بحبها ووصلت بيها لهدف معين بس للاسف اللى بيحصل دلوقتى تجاره وسوق سودا فبلاش تحامل على شيماء بجد معجبه جدا بصراحتك وبموضوعك يا شيماء وربنا يوفق الجميع |
إقتباس:
|
إقتباس:
|
إقتباس:
لكن فيه سؤال وش قصدك ان الاله ما يقدر يسوي كذا ، ما اتوقع ان فيه ديانة في الدنيا تقو ان الاله يعجز عن شيء واذا نفسك تحط صفة مبالغة رجاء ابعد عن الحرام يعني الاله عاجز انه يحط 100 الف او مليون موضوع ، انما يقول كن فيكون خلق الكون كله وعاجز انه يسهل لاحد الاشخاص ينزل مليون موضوع |
امير القلوب اقرأ المكتوب جيدا المقصود ليس المولي عز وجل المقصود هو الاله الكاتبة
 |
| جميع الأوقات بتوقيت مكة المكرمة. الساعة الآن » 10:55 PM. |
Powered by vBulletin
Copyright ©2000 - 2024, Jelsoft Enterprises Ltd.
Copyright © ArabWebTalk.Com 2004-2012