موقع خاص بالفتيات للبيع
 

أخي الكريم ابي بعض المعلومات لو سمحت

كم باقي على استضافة الموقع
و هل المنتدى مرخص ام لا
وكم حدك فيه لو سمحت
و كيف الزيارات فيه بالشهر 9000 و الان مافيه الا كم واحد
و ترتيبه في اليكسا 3,098,883

بس ابي اعرف المعلومات لو سمحت انتظر ردك

نتواصل ع الايميل

اعتذر الزيارات 3500 بس الموضوع مكتوب من زمن ولم اقم بتنزيله إلا بعد شهر لذلك حدث اختلاف في معدل دخول العضوات

وبالنسبه للحد انت قل وماراح نختلف بإذن الله

فقط للتوضيح الأميل اعلاه لا اقوم بالدخول من خلاله على الماسنجر وإنما استقبال رسائل بريد الكتروني
ولك الشكر
في انتظارك

اخي الكريم انت كم تتوقع او بكم تبيه ياليت تفيدني و لك الشكر

لان ما اعرف اسعار المنتديات انا و ابي اعرف هل هو مرخص ام لاالمنتدى عشان احدد السعر

مع العلم انه ترتيبه متأخر يعني يبي له شغل كثير عشان يرجع ترتيبه في المقددمه


انتظر ردك اخي الكريم

المنتدى توه منتهي ترخيصه من فتره

وعطني سومتك واشوف اذا تناسب او لا

ابي اعرف كم باقي على الاستضافه لو سمحت

اختي انتظرك ...........
ياليت كل مره تردين بسرعه او تحطين اي ايميل للتفاهم و لك شكري

أختي الكريمه لو جاده بالبيع انا جاهزة و سعري هو 300 ريال ليش؟؟

اول شئ اصدار المنتدى قديم جدا جدا
ثانيا المنتدى مش مرخص
ثالثا الزيارات مش كثيرة انا تابعت المنتدى لي يومين او ثلاثة ايام ما فيه احد يدخل فيه الا بنتين او ثلاث بس يعني يبي له شغل

و رابعا انه مثل ماقالت لك الاخت انه المنتدى ترتيبه بالاليكسا مرررره بعيد يعني كيف زياراته كثيرة و هذا ترتيبه ؟؟؟

انا جادة في الشراء لو حابه تبيعي قولي انا ابيه لانه للبنات بس يعني مافيه شباب و هذا احسن شئ و ما ابي اي استايلات معاه و لا حتى الاستضافه لاني بنقله على استضافه جديده
ياليت تردين اما السعر ما اعتقد احد بيعطيك مثلي ولو فيه الله يوفقك فيه بس حبيت اعطي رأيي

اختي انا انتظرك لو راضيه على سومه الاخت الله يوفقها و يبارك لها بالموقع

و لو ما عجبك ياليت تقولي لي كم السعر اللي تبيه

بس ما يكون غالي لان فيه مواقع اكثر من الاعضاء اللي عندك و سعرهم مناسب

انتظرك اختي \..

اسفه بس السعر مايناسبني ^_^ تقفيلة المنتدى أفضل من 300 تكلفة الدومين وقيمة الإستظافة

ترقية المنتدى تستطيعين ترقيتها في لحظات دون أي تكليف مادي

الترخيص في السنه مايكلفك 600 ريال سعودي

في هذي انا معك والسبب ان الطاقم الإداري حصلت لهم ظروف ومنعتهم من الدخول للنت وبكذا قل الإهتمام تقريبا من خمس شهور يعني في شهر تقدرين ترجعين العضوات بنشاطهم السابق


ومثل ماقلت قبل خمس شهور كان الوضع مختلف والعضوات نشيطين بس مالقوا منا تجاوب بسبب ظروفنا الخاصة :(


عموما الله يوفق الجميع
وما تناسبني سومتك يالغلا

هلا اخوي
اسفه على التأخر في الرد بس وش اسوي ^_^"
بالنسبه للإستظافه باقي لها شهر تقريبا
وصراحه ما ابي احده بسعر معين ابي ابيع لأعلى سومه
وبالتوفيق

اهلا عزيزتي انا بصراحه ابيك تعطيني سعر او السعر اللي انتي تبيه لان ماباقي على استضافتك الا شهر واحد يعني عشان اشوف عندي اماكنيه او لا ياليت تقولين لي بسرعه الله يوفقك عشان الموقع ما يطول بالاستضافه القديمه
انا بصراحه نفسي في الموقع بجد بس ابيك تعطيني السعر و حتى لو ظليتي فيه الاداريه الثانيه عادي بس الادمن يكون معي و باقي المعلومات ياليت تحددين السعر اللي تبينه لان الوقت يمرو انا ما اعرف كم اسعارهم

في واحد عارض موقعه هنا فيه 22 الف عضو بي 800 ريال و انتي 6000 و شوي شوفي كم يسوى انتي و قولي لي
عشان اشوف يكون عندي المبلغ او لا و لاتنسي لازم ادفع استضافه جديده و الترقيه انا ادفعها بفلوس لان ما اعرف ارقيه و بعد الترخيص انا اابي اسويه مدى الحياه ان شاء الله في المستقبل
انتظر ردك اختي الكريمه و ان شاء الله ما راح نختلف

بالنسبه للإداره انا ماابيها ^_^

اما السعر فبكون معك صريحه انا اقل حد حطيته 1500
ما ادري اذا يناسبك أو لا؟!

عموما الله يوفق الجميع

غالي اختي و على العموم موفقه ان شاء الله ببيعه أحسن مني على العموم مالي حظ فيه
ان شاء الله تلاقي اللي يشتريه يارب

مشكوره عزيزتي و يعطيك العافيه و عساك ع القوه

العفووووو.... والله يوفق الجميع

لك الشكر

السلام عليكم


هل المنتدى لا زال معروض للبيع؟؟...وكم وصلت سومته؟؟...

مازال معروض للبيع

واخر شي وصلني فيه 800

اختي ايميلك لا يعمل

الأميل للمراسل ولا يعمل على الماسنجر

عموما هذا اميل اخر للمراسله
almrha@gawab.com

للـــــرفــــــع

السلام عليكم اختي الكريمه

بالنسبه للموقع اللي انتي طارحتيه للبيع

انتي راح تبيعيه بدون الاستضافه صح لان على قولك ماباقي عليها الاشهر

عزيزتي الكريمه الموقع حلو ماشاء الله بس ينقصه اشياء كثيره و بصراحه سعرك غالي فيه

ياليت تخففين لنا السعر لانه اولا راح يكون من غير استضافه يعني راح ينقل الى موقع اخر

و بعدين مافيه اعضاء كثيره ولو فيه نايمين يعني ما احد يشارك انا تابعت المنتدى يومين بس ما يدخلون فيه كثير يعني يبي له اعلانات من جديد
على العموم اختي الكريمه انصحك تبيعي للي طلبه بي 800 لانه يعتبر حظك حلو انه وصل كذا بس انا سومتي فيه 400 لانه مافيه لا استضافه و لا شئ و ماباقي شئ على تقفيله

ومع كل هذا الله يوفقك ببيعه ان شاء الله

:
:
هل الموقع لازال لبيع ..
ام انني اتيت متاخر ..
عمومآ أن كان الموقع لا زال معروض لبيع ..
بأمل التوصل على الاميل التالي ..
a7sas_el3alam@hotmail.com
لتفاهم ..

حل أخر ..
هل يتم التفوض على استبدال موقعي بموقع ..
إذا كنتي ترغبين ذلك ..
المشاعل نت ..
http://www.almsha3l.net


:
:
دمتِ بخير ..

صراحه اللي اشوفه اسعار خياليه والله


علي العموم الله يوفقك بالبيعه

اللي يقول ان الأسعار خياليه

جرب تفتح لك موقع جديد أقل شي يكلفك 800 وحولها
وهذا موقع جاهز + ستايلين + عضوات بس ناقصك انك تنشطين هالأعضاء من جديد+ مواضيع

أتوقع أنه يسوى

ولكم الشكر جميعا

والمنتدى مازال معروض

ولا زال عرضي 400 ريال والوقت يمر.............زز

يوم أخر و اقول لازال عرضي 400 ريال اختي الوقت يمر

الموقع محتاج شغل كثير ......
.................................................. ......

اعتذر ...
والله يوفقنا و يوفقك

يا اختي الموقع سعره مناسب و ما اعتقد راح تلاقي اللي يشتريه منك بأكثر

و الموقع مهمل بشكل كبير يعني يبي له شغل و مش مأرشف بقوقل يعني يبي له أرشفه و كل شئ

على العموم لو ما لقيتي احد انا مازلت ابيه لان ناويه افتح موقع بس قلت اشوف هذا و انقله على استضافه لان استضافته منتهيه

على العموم لو ما شفتي احد انا لسه على رأيي

ايوه و نسيت اقول شئ مهم يعني الموقع الان راح ينتهي ماباقي له الا ايام يعني بس قاعدة بيانات المنتدى هي اللي راح تباع حطي هالشئ ببالك

لو كان اسم الدومين او الاستضافه معك كان عذرتك بسعر اعلى بس خلي ببالك انه بس قاعدة البيانات تعتبر يعني لازم استضافه جديده و دومين جديد و ما ابي الاستايلات لان بالاساس اللي فيه الان مش حلو و يمكن يتطور الى الافضل اكيد يعني ما اظن انه في احد راح ياخده و راح يتقفل على الفاضي و اسألي اي احد بالويب هنا كم يسوى ولو صار اكثر قولي لي

السلام عليكم الله وبركاته

اولا كلامك يا اخت عطر الياسمين معقول وثانيا انا قلت للأخت وكثير قالو لها ان ا لموقع مايسوى كثير وقت تبيعه مافيه لا دومين ولا استضافه مثل ماقلتي بس قاعده بيانات تعتبر لان ماباقي عليه شئ
انا قلت للأخت بي 300 وانتي زدتي بس مايسوى اكثر وراح تتعبين وانتي تنظرين بلا فايده

على العموم انا لسه على 300 ريال والموقع لايدخله احد انا متابعته من اول ما عرضتيه كل اللي يدخلونه بنتين 3 يعني اسوي لي جديداحسن لي


لسه على عرررررررررررررررررررررررر ررررضي 300 ريال

السلام عليكم


اهلا بك الاخت الكريم حساسه


اانا طلبت السعر اعلى منك وياليت الاخت ترد وتفكر وتشوف ناس لو يسوى اكثر


يا وجدان القلوب انا سومي لسه 400 ريال

الاخوات الفاضلات ، حتى لا يطول الحديث اكثر من ذلك رغم ما لدي من ملاحظات كثيرة على ردودكم
فلقد اعتذرت سابقا ً ولست مجبرة لأن ابيع بما لا يناسبني

واقتراحي للأحبة ان يبنوا لهم منتديات تكون خاصة بهم وعلى رغبتهم حتى يختاروا لهم اسماء منتديات تناسبهم ويبداؤا مشوارهم وكل تمنياتي القلبية لهم بالتوفيق

اووووووووووووك يا الغلا موفقه بالبيع لك شكري

تحت امرك روابي الخليج ...

يسلمك ربي كلك ذوق

اسئلتي
كيف اعرف مدة استضافه المنتدى متى تنتهي؟
واذا انتهت الاستضافه يتقفل المنتدى نهائيا الا وشو؟

ادري اسئله وحده مبتدئه بس هذا الصدق وحبت اسئلك :rolleyes:

ايه سؤال ثاني
ادري تعبتك

ماهي التراخيص ومادورها في المنتدى <<<<< لاحظي اللغه :D

بالنسبة للدومين من خلال مواقع whois تعرفين تاريخ انتهائه ودومينك ينتهي في date: 26 Aug 2009 ، اما الاستضافه بإمكانك ترجعين لنفس المستضيف لموقعك واضنه شركة معن العربية ويعلمك وغالبا ً تكون موجودة في لوحة التحكم اذا كانك cpanel بتاقينها اول ماتدخلين على اليسار غالبا ً .

ايضا ً هذا السؤال اجابته لدى الشركة المستضيفة وغالبا ً الشركات تعطي مهلة حتى ان العميل يجدد اشتراكه ويرجع المنتدى زي ماكان .

اما التراخيص فنسخة المنتدى مثل اي برنامج تشترينه مثل نسخة الوندوز كذلك وممكن تكسرين حمايته ، لكن اذا اكتشفت الشركة الام انه مكسور حمايته طبعا ً بتعاون مع المستضيف يتم ايقاف المنتدى واغلاقه مثل ماحصل معي في فتره من الفترات فضطريت اني اخذ تصريح لمدة سنة وبعد السنة نسوني :) واستوعبوا بعد 3 سنوات ثانيه اني ماجددت ووقفوا المنتدى طبعا ً الايقاف من المستضيف فبطريقة ودية بيني والمستضيف فتح المنتدى

طبعا ً فيه انواع للتصاريح بامكانك ترجعين للشركة vBulletin وتقرائن اكثر عن التصاريح

اتمنى أني اكون افدتك بهذه المعلومات الفقيره :)

وكل تمنايتي لك بالتوفيق و النجاح